Normas de funcionamento

II. Funcións

II.1. Funcións do Foro

A proposta de calquera dos seus membros, no Foro poderase tratar calquera cuestión referida a materias tributarias de interese común e á relación entre a Axencia Tributaria e as pequenas e medianas empresas, cos seguintes obxectivos:

• Profundar no coñecemento mutuo entre a Axencia Tributaria e as pequenas e medianas empresas representadas no foro, nun marco de cooperación, transparencia, rigor técnico, obxectividade, proporcionalidade e receptividade.
• Aumentar a seguridade xurídica das pequenas e medianas empresas, analizando as modificacións normativas en curso en cada momento, e difundindo as novidades normativas e os criterios de actuación da Axencia Tributaria na súa aplicación.
• Mellorar a aplicación do sistema tributario, reducindo cargas fiscais indirectas, fomentando o uso da administración electrónica nas relacións das pequenas e medianas empresas coa Axencia Tributaria, dando a coñecer e incluso anticipando as novas facilidades ofrecidas pola Axencia Tributaria para o cumprimento das obrigas fiscais, etc.
• Impulsar o desenvolvemento de proxectos de dixitalización que permitan facilitar a relación entre a Axencia Tributaria e as pequenas e medianas empresas.
• Mellorar a prevención e loita contra a fraude, colaborando na detección e busca de solucións con respecto a aquelas prácticas fiscais fraudulentas que poidan desenvolverse nos diferentes sectores económicos para previr a súa extensión e no fomento do rexeitamento social da fraude fiscal.
• Elaborar un Código de Boas Prácticas de Pequenas e Medianas Empresas.

Non se tratarán no foro suposto ou expedientes concretos.

Os acordos adoptarán a forma de informes ou recomendacións en relación coas materias tratadas no Foro, polo que carecerán de efectos xurídicos vinculantes. O Foro establecerá os vías de comunicación pública dos acordos adoptados no mesmo.

II.2. Funcións da Presidencia

Corresponde á Presidencia:

1. Dirixir, promover e coordinar a actuación do Foro, convocando e presidindo as sesións.

2. Fixar a orde do día das sesións, tendo en conta as propostas e peticións formuladas polos seus membros nos termos previstos nestas Normas de Funcionamento.

3. Encomendar á Secretaría Técnica a realización de estudos, informes ou traballos relacionados coas materias tratadas ou que se vaian a tratar no Foro.

4. Cantas outras funcións se lle atribúen nas presentes Normas de Funcionamento.

II.3. Funcións da Secretaría Técnica

Corresponden á Secretaría Técnica as seguintes funcións:

1. Impulsar e apoiar os traballos do Foro, propor temas a tratar e preparar a documentación relativa aos mesmos.

2. Coordinar os estudos, informes ou traballos que determine o Foro ou a Presidencia e os estudos comparativos sobre as materias propias do Foro.

3. Estender as actas das sesións do Foro e dos grupos de traballo.

4. Dispor a difusión e publicidade dos acordos adoptados polo Foro.

5. Cantas outras funcións se lle atribúen nas presentes Normas de Funcionamento.

II.4. Funcións dos membros do Foro

Corresponde aos membros do Foro:

1. Participar nas sesións do Pleno do Foro e dos Grupos de traballo de que formen parte, propondo á Presidencia a inclusión de temas na orde do día con suficiente antelación.

2. Presentar propostas para a súa discusión polo Pleno do Foro ou para o seu estudo nos Grupos de traballo ou pola Secretaría Técnica, planificando a actuación dos mesmos.