Consellos para evitar a fraude por Internet

Os intentos de fraude realízanse mediante envíos masivos por correo electrónico en que se suplanta a identidade e imaxe da Axencia Tributaria.

En xeral, estes envíos fan referencia a un reembolso de impostos inexistente. Para poder dispor do diñeiro hai que acceder a un enderezo web en que se deben achegar datos de contas bancarias e tarxetas de crédito. Non fagas clic en ningún ligazón ou ficheiro adxunto que proceda dun correo sospeitoso.

A Axencia Tributaria nunca solicita por correo electrónico información confidencial, económica ou persoal, nin números de conta nin números de tarxeta nin adxunta anexa con información de facturas ou outros tipos de datos.

Non atendas esas mensaxes, son un intento de fraude suplantando a imaxe da Axencia Tributaria.

Non é a primeira vez que se utiliza este tipo de correos fraudulentos. Por este motivo a concienciación e a información da cidadanía é esencial. Recomendamos:

• Non abrir mensaxes de usuarios descoñecidos ou que non solicitases, eliminaos directamente.

• Non contestar en ningún caso a estas mensaxes.

• Precaución ao seguir ligazóns en correos aínda que sexan de contactos coñecidos.

• Precaución ao descargar ficheiros adxuntos de correos aínda que sexan de contactos coñecidos.

Para maior seguridade, conectache a Axencia Tributaria tecleando o enderezo no navegador.

En especial, no acceso á Sede electrónica, verifica o noso certificado.