Imposto de Matriculación de Vehículos Automóbiles

A Axencia Estatal de Administración Tributaria publica a Estatística do Imposto sobre Matriculación de Vehículos Automóbiles, nas súas dúas versións Avance mensual y Estatística anual baseada nas declaracións que se deben presentar do Imposto Especial sobre Determinados Medios de Transporte (IEDMT) coa primeira matriculación definitiva en España de vehículos automóbiles novos ou usados accionados a motor para circular por vías e terreos públicos.O Avance mensual presenta a información correspondente ao ano en curso cun desfase entre o mes de referencia e o mes de publicación de aproximadamente 25 días.A Estatística anual presenta a información correspondente ao último día do ano do exercicio fiscal de referencia da estatística.

A fonte de datos obxecto de tratamento estatístico constitúeo a información contida no modelo de declaración 576 (Declaración do Imposto Especial sobre Determinados Medios de Transporte) que se presenta obrigatoriamente de forma telemática.

Incorporouse á estatística pública de base tributaria esta publicación relativa ao sector do automóbil, presentando información do número de vehículos matriculados e características destes tales como a cilindrada, o prezo medio do vehículo, etc. e incorporando a información de carácter fiscal proveniente do propio modelo de declaración, bases impoñibles, tipos aplicables e cotas.Ademais, incorpóranse a partir do 1 de xaneiro de 2008 as modificacións no IEDMT aplicándose os 'tipos impositivos' en función das emisións oficiais de CO₂ e do epígrafe no que se encadre cada un dos medios de transporte pola Lei 34/2007 da calidade do aire e protección da atmosfera.Esta lei derroga o artigo 70.bis da Lei 38/1992, do 28 de decembro, de Impostos Especiais, polo que se establecían medidas urxentes en relación co plan Prever.Hai que destacar que esta estatística non é unha estatística exhaustiva do modelo 576 porque non incorpora a información relativa a motocicletas, embarcacións e aeronaves, que tamén se inclúen, no mesmo modelo do imposto de matriculación.

Actualmente España sitúase entre os primeiros postos de fabricantes europeos de vehículos (o 3º en Europa) e o 7º a nivel mundial sendo de grande importancia o coñecemento do sector.De aí, que a información estatística do sector automóbil en España sexa de grande interese social e económico.Esta estatística non pretende competir senón complementar as estatísticas públicas proporcionadas pola Dirección Xeral de Tráfico e elaborada pola Asociación Nacional de Fabricantes de Vehículos Automóbiles.

Por outro lado, esta información cobra especial importancia para as Comunidades Autónomas ao constituír este imposto outra fonte de financiamento autonómico.A estatística preséntase para cada unha das comunidades autónomas, preservando en todos os casos o segredo estatístico.

Esta nova estatística complementa o "Estudo do Imposto Especial sobre Determinados Medios de Transporte" que elabora anualmente a AEAT e cuxas edicións son accesibles nesta web da AEAT.

Novidade:

En xaneiro de 2021 pasan a medirse as emisións de CO2 co novo Reglamento(UE) 2019/631.Este está baseado no novo método WLTP (Worldwide Harmonized Light-Duty Vehicles Test Procedure ou procedemento de probas harmonizado mundialmente para o servizo de transporte lixeiro), novo protocolo de medición de emisións, aprobado en setembro de 2018 e que o 31 de decembro, vencían as diferentes moratorias que concedeu o Ministerio de Industria, Comercio e Turismo para a implantación en exclusiva deste novo sistema de medición de emisións.O WLTP son probas máis exhaustivas que substitúen o NEDC (New European Driving Cicle ou novo ciclo homologado de condución europeo) que ata agora, era o usado para o cálculo da emisión media de gramos de CO2 por quilómetro percorrido.A nova fórmula de medición proporciona emisións superiores, o que xera un incremento do imposto polo salto na epígrafe.Na segunda metade do ano entra en vigor a Disposición Adicional 5ª na Lei 11/2021 do 9 de xullo, de medidas de prevención e loita contra a fraude fiscal que conxela o imposto a valores previos (2020) mediante unha modificación dos tramos de emisións de CO2 das epígrafes fiscais.

Próximas publicacións:

• 18 de abril de 2023 (Marzo de 2023)