Preguntas frecuentes

Os usuarios que pasasen polo proceso de rexistro previo no Portal, poderán conectarse o sistema utilizando o seu certificado electrónico, as súas credenciais do sistema Cl@ve ou o seu usuario (correo electrónico ou teléfono) e contrasinal.

Ademais das opcións públicas para todos os usuarios, disporán da opción de xestión que lles permitirá:

• Realizar depósitos.
• Participar como licitadores nas poxas.
• Ver os detalles das poxas que non son de carácter público (documentación adicional, información rexistral no caso de que estea dispoñible, importe da poxa máxima en cada momento, información sobre os seus datos de participación en poxas, etc).
• Subscribirse a servizos de aviso de inicio do período de poxas das poxas que se axusten aos seus criterios, ata un máximo de 50 subscricións.
• Xestionar os seus datos de rexistro.

Os usuarios que non realizasen un proceso de rexistro previo poderán realizar buscas de poxas en curso por distintos criterios e consultar os detalles públicos de cada poxa, tales como a información xeral, os datos da Autoridade Xestora, os lotes que a compoñen, así como o interesado ou o acredor, se a Autoridade Xestora determinou que sexan datos públicos.

Calquera usuario pode rexistrarse no Portal en calquera momento.

Para realizar o rexistro no Portal necesitará dispor dun certificado electrónico recoñecido ou cualificado, que lle identifique polo seu DNI ou NIE, ou ben dispor dalgún dos mecanismos de identificación do sistema Cl@ve (Cl@ve PIN ou Cl@ve Permanente).

• Se vostede desexa utilizar un certificado electrónico como mecanismo de identificación, o Portal de poxas sempre obterá os datos da persoa física que figuren nel , independentemente do tipo de certificado que utilice. Se no certificado utilizado non se identificase a ningunha persoa física cun DNI ou NIE, non se poderá completar o rexistro xa que no Portal de poxas só se permite o rexistro de persoas físicas
• Se vostede desexa utilizar as credenciais de Cl@ve PIN ou Cl@ve Permanente, deberá ter en conta que as devanditas credenciais teñen que ser obtidas de forma presencial ou utilizando un certificado electrónico. Os usuarios de Cl@ve obtidos por Internet con carta de invitación, non son válidos para operar no Portal de poxas.

Ademais, se desexa utilizar o sistema Cl@ve para identificarse no Portal de poxas, debe rexistrarse primeiro no sistema Cl@ve para obter as súas credenciais e a continuación rexistrarse no Portal de poxas utilizando as devanditas credenciais.

Durante o proceso de rexistro, o Portal de poxas asignaralle un usuario (o seu correo electrónico e o seu teléfono, indistintamente) e solicitaralle que estableza un contrasinal, que poderá utilizar tamén para conectarse ao Portal. O correo electrónico e o teléfono que proporcione terán que ser únicos, é dicir, non poderán utilizarse o mesmo correo ou o mesmo teléfono para rexistrar a varios usuarios.

Para completar o seu rexistro, será imprescindible que acepte as condicións de uso do portal.

Non. No Portal de poxas unicamente poden rexistrarse persoas físicas. Se realiza o rexistro co certificado de representante, para o rexistro tomaranse unicamente os datos da persoa física que aparecen no certificado. Se quere actuar no Portal en nome da sociedade, cando realice depósitos e poxas, o Portal solicitaralle que indique se as realiza en nome dun terceiro e poderá indicar que as realiza en nome da sociedade.

Pode participar nas poxas a través dun representante con domicilio en España.