Perspectiva de actividade
Desde a perspectiva de actividade, cada unha das actividades da declaración considérase unha unidade de análise e analízanse clasificacións e características inherentes á actividade e ao suxeito que a realiza.
A perspectiva de actividade presenta unha análise xeral das principais variables das actividades declaradas (número de actividades, rendemento positivo, tipo efectivo atribuíble e taxa de fracaso) co máximo nivel de detalle por actividade segundo códigos do IAE . Dependendo da modalidade de determinación do rendemento, o modelo de declaración presenta unha desagregación de información. Ademais, preséntanse as contas de resultados por modalidades de determinación dos rendementos segundo distintas clasificacións de interese (epígrafes de IAE, Comunidade Autónoma, nacionalidade e xénero). A información relativa á estimación directa presenta unha conta de perdas e ganancias completas. A información relativa á estimación obxectiva presenta unha relación de ingresos e rendementos obtidos por produtos ou servizos derivados de actividades agrícolas, gandeiras e forestais
A perspectiva de declaración e a de actividade teñen o seu punto de conexión nas declaracións con actividade económica única. Neste apartado analízanse características comúns ás dúas perspectivas debido á relación biunívoca que se establece entre ambas as dúas (unha declaración - un empresario - unha actividade). As táboas estatísticas de empresarios con actividade económica única tamén presentan a información desde as dúas perspectivas, ademais da súa demografía empresarial.
- Perspectiva de declaración : presenta un resumo das principais partidas da declaración de IRPF destacando aquelas relacionadas cos Rendementos de actividades económicas. Todas elas analízanse con distinción dos datos relativos aos empresarios con asalariados ou sen asalariados, segundo distintas clasificacións de interese (Comunidade Autónoma, nacionalidade, idade e xénero)
- Perspectiva de actividade : neste caso, cun detalle de ata 30 actividades, preséntanse variables referidas tanto a aspectos económicos e fiscais relativos á actividade realizada, como á carga tributaria global soportada polo empresario no IRPF (número de actividades, número de asalariados, rendemento positivo, tipo efectivo atribuíble e cota líquida atribuíble á actividade e base, tipo e cota líquida total por IRPF) e clasificadas por distintos criterios relevantes (Comunidade Autónoma, fonte de renda, dimensión de asalariados e tramos de base). Ademais, preséntanse as contas de resultados por modalidades de determinación dos rendementos segundo distintas clasificacións de interese (epígrafes de IAE, Comunidade Autónoma, nacionalidade e xénero).