Preguntas frecuentes

Na parte de demografía, utilizáronse dous criterios de cualificación das unidades obxecto de tabulación.

Dunha parte, descríbese o conxunto das declaracións correspondentes a unha selección dos totais declarantes de IRPF do exercicio. Esta selección responde á circunstancia de que algún dos membros da unidade familiar ou das persoas que dan dereito á aplicación dalgún mínimo familiar ou dalgunha dedución (DAFAS) por ascendentes, descendente ou cónxuxe con discapacidade, teña a condición de persoa con discapacidade.

Doutra parte, preséntase a descrición e características do conxunto das persoas que, segundo os datos das declaracións do IRPF, teñen algún grao de discapacidade.

O filtro establecido para restrinxir a parte da poboación de declarantes do IRPF que vai ser obxecto de estudo nesta estatística, é o seguinte: seleccionáronse todas as declaracións en que se pon de manifesto que existe unha persoa con discapacidade. Isto ampla o marco poboacional a todos os declarantes de IRPF vinculados coa problemática da discapacidade, xa sexa porque eles mesmos presentan algunha discapacidade ou porque a presentan os fillos, ascendentes ou cónxuxes ao seu cargo, isto último entendido, claro está, en termos fiscais.

A normativa de IRPF non obriga a poñer en coñecemento da Administración Tributaria a devandita circunstancias, agás cando se vaia a facer uso dalgún dos incentivos fiscais que a normativa do imposto contempla.

Nesta estatística non están incluídas as persoas con discapacidade que non son declarantes do IRPF por non estar obrigadas á presentación da declaración e non se encontren incluídos entre as persoas a cargo dun declarante de IRPF.

A exención dalgunhas prestacións de axuda á dependencia ou pensións a favor de persoas con Incapacidade Permanente Absoluta ou Gran Invalidez, as pensións de orfandade a favor de netos e irmáns recoñecidos pola Seguridade Social, Mutualidades de Previsión Social ou Clases Pasivas son un incentivo fiscal moi importante que non se encontra incorporado na declaración de IRPF. Existen ademais das anteriores, prestacións pagas por institucións públicas que contemplan distintas situacións vinculadas ás circunstancias obxecto desta publicación.

Tal como se comenta na metodoloxía da estatística existe un folleto explicativo de todos os incentivos que a normativa fiscal contempla para as persoas con discapacidade. Entre eles cómpre destacar un mínimo persoal por discapacidade do declarante, descendente ou ascendente, que se complementa cun mínimo en concepto de gastos de asistencia, e todos eles, engádense ao mínimo persoal xeral. Os mínimos por descendente aplícanse calquera que sexa a súa idade, cando estes descendentes son persoas con discapacidade. Ademais, os traballadores activos con discapacidade terán dereito a un incremento dos seus gastos deducibles dependendo do grao de discapacidade, tamén existe unha minoración do rendemento de actividade económica para os traballadores autónomos equivalente á que existe para traballadores por conta allea. Con respecto ás ganancias patrimoniais, as derivadas da transmisión dos patrimonios protexidos considéranse non xeradoras de ganancias ou perdas, e de forma específica considérase exenta a transmisión da vivenda habitual de persoas con dependencia severa ou gran dependencia. As reducións anuais máximas por achegas a plans de pensións encóntranse moi incrementadas con respecto ás xerais e existe un tratamento específico en concepto de redución por achegas a un patrimonio protexido. En materia de vivenda existe unha dedución en cota para as obras e instalacións de adecuación da vivenda habitual das persoas con discapacidade. En relación ás persoas con discapacidade a cargo, existe unha dedución por cada ascendente, descendente ou cónxuxe con discapacidade. Tamén existe unha dedución por familia numerosa cuxa cualificación no caso de que un dos descendentes sexa persoa con discapacidade óbténse con 2 fillos e a cualificación de familia numerosa de categoría especial con 4 fillos cando polo menos un deles teña recoñecido un grao de discapacidade superior ao 33 %, en lugar dos 5 esixidos nos supostos de fillos sen discapacidade.

Claramente si, tanto nos impostos que xestionan de forma directa, como na normativa específica do imposto sobre a renda das persoas físicas, as Comunidades Autónomas contemplan deducións autonómicas dirixidas á protección de distintas circunstancias persoais relacionadas coa discapacidade, en maior ou menor medida dependendo da Comunidade Autónoma de residencia.