Introdución

A nova Estatística de vivendas transmitidas no IRPF  baséase na información proporcionada na declaración de IRPF no apartado de Ganancias e Perdas patrimoniais derivadas de transmisións de inmobles por particulares. Do conxunto de transmisións de inmobles exclúense os afectos a actividade económica. Con obxecto de coutar o colectivo de vivendas selecciónanse só as transmisións de vivendas e os seus anexos cando a transmisión se realiza conxuntamente. Como é habitual en todas as estatísticas publicadas pola AEAT a información refírese ás transmisións de vivendas situadas en Territorio de Réxime Fiscal Común que exclúen as transmisións de declarantes do País Vasco e Navarra.

O interese que nos últimos anos suscita o sector inmobiliario impulsou pór a disposición do público e dos analistas a información de orixe fiscal das vivendas.  Dese interese xurdiu a estatística de vivendas que destinaba gran parte do seu contido a mostrar a información relativa á posesión de vivendas, o seu uso e en especial ao arrendamento de vivenda, tanto como vivenda habitual ou como arrendamento de tempada.  Adicionalmente a información fiscal permitiu achegar valores de venda e de adquisición das vivendas transmitidas, tanto as transmitidas a título oneroso (vendas), como lucrativo (doazóns), clasificados polo ano de adquisición do inmoble, as dimensións en metros cadrados e cunha elevada desagregación territorial que permite a información tributaria e catastral, proporcionando unha foto do mercado inmobiliario de segunda man no exercicio de referencia dos datos (anos en que se realizou a transmisión). 

O proceso de elaboración da estatística a partir das declaracións do IRPF consiste en cruzar a información de renda con Catastro a través da referencia catastral, seleccionar aquelas transmisións de inmobles que son vivendas, incorporar a información catastral (metros cadrados, situación e porcentaxes de titularidade) e, por último, calcular os valores de transmisión e de adquisición a partir dos valores declarados e da porcentaxe de titularidade do inmoble.