Ámbito poboacional

O marco poboacional está constituído polas declaracións dos vehículos automóbiles turismos obrigados a presentar o modelo 576 conforme á Lei 38/1992, do 28 de decembro, de Impostos Especiais (BOE 29 de decembro de 1992). A Lei 34/2007 de calidade do aire e protección da atmosfera modifica os supostos de non suxeición regulados nos apartados 1 e 2 do artigo 65 da Lei 38/1992, do 28 de decembro, de Impostos Especiais, e o artigo 71.2 da mesma Lei.

Quedan dentro do ámbito da estatística só os vehículos automóbiles incluídos os todos terreos e quedan excluídas expresamente do marco desta estatística as motocicletas. O ámbito obxectivo constitúeo a primeira matriculación do vehículo no territorio español, que constitúe un gravame en fase única. A obriga de matriculación comprende todos os vehículos novos ou usados que se destinen a ser utilizados en territorio español por persoas ou entidades residentes en España ou que sexan titulares de establecementos situados en España.