Variables de clasificación do perceptor

SEXO DO PERCEPTOR

A desagregación dos datos por sexo do perceptor considérase esencial para unha completa análise do mercado de traballo e as pensións, por iso, obtivéronse táboas desagregadas por sexo.

TRAMOS DE RETRIBUCIÓNS ANUAIS

Os tramos de Retribucións determináronse como múltiplos das percepcións mínimas interprofesionais anuais, tomando como referencia o Salario Mínimo Interprofesional Anual para o cálculo nos colectivos de Asalariados e Desempregados, e a Pensión Mínima Anual no caso dos Pensionistas. En ambos os dous casos, hai un total de 13 tramos, sendo os 10 primeiros de amplitude 0,5 empezando no intervalo 0 0.5 veces o Salario Mínimo Interprofesional ou Pensión Mínima Anual, e os tres últimos de 5 - 7,5, de 7,5 - 10, terminando en máis de 10 veces o Salario Mínimo Interprofesional ou Pensión Mínima.

TRAMOS DE RENDA ANUAL

Esta magnitude é a renda percibida no exercicio por todos os conceptos contemplados na estatística e calcúlase como suma das retribucións satisfeitas por calquera das claves de salarios (clave A e L27), pensións (clave B e L06, L07) e prestacións por desemprego (claves C e L13). Preséntanse oito tramos de renda anual.

IDADE

Na táboa adxunta, preséntanse os tramos de idade usados nos diferentes colectivos.

NACIONALIDADE

A nacionalidade defínese como a relación legal especial existente entre unha persoa e un Estado; así distinguiremos entre aqueles que teñen nacionalidade española de que non. Esta clasificación defínese atendendo á primeira letra do NIF (X, E ou M) para estranxeiros e o resto de letras do NIF para españois.