2.2 Operacións de investimento

As cotas soportadas e deducibles correspondentes a adquisicións de activos fixos e investimento, minoran o resultado derivado do valor engadido interior, mentres que o desinvestimento ou vendas destes activos producen o efecto contrario pola repercusión de cotas. O concepto de operacións de investimento nesta estatística fai referencia ao investimento neto.

Cotas de IVE correspondente ao investimento neto (RESIN)

É a diferenza entre as cotas por compras de investimento deducible (RCID) e as cotas repercutidas por desinvestimento (RDESINV).

Cotas por compras de investimento deducible (RCID)

É a suma das cotas deducidas por investimentos en réxime xeral (DEDRG) e cotas soportadas en adquisición de activos fixos en réxime simplificado (DEDRSI, par82).

As cotas deducidas por investimentos en réxime xeral inclúen:

• Cotas deducidas por investimentos en operacións interiores (CISOPOI), par51 e par521.
• Cotas deducibles por investimentos en importacións (CISOPM), par55.
• Cotas deducibles por investimentos en adquisicións intracomunitarias (CISOPAI), par59.
• Regularización de investimentos (RI), par63.

Cotas repercutidas por desinvestimento (RDESINV)

É a suma do importe das cotas repercutidas en entregas de bens e investimento ou en operacións financeiras ou inmobiliarias ocasionais en operacións de réxime xeral (CEBIFIS) e das cotas repercutidas en entregas de activos fixos afectos ás actividades acollidas ao réxime simplificado (par78).

CEBIFIS estímase como resultado de aplicar o tipo xeral do imposto á base resultante como suma das partidas 106 e 107 da declaración, co límite das bases suxeitas en réxime xeral.

Resultado derivado da actividade interior (RESACTIN)

Diferenza entre o Resultado derivado do valor engadido interior (RESVA) e das cotas correspondentes ao investimento neto.

RESACTIN = RESVA - RESIN