2.3 Outras operacións
| RESULTADO DERIVADO DA ACTIVIDADE INTERIOR | RESACTIN |
|---|---|
| OUTRAS OPERACIÓNS | ROO2 |
| COMPRAS EXTERIORES | RCEX |
| Adquisicións intracomunitarias de bens (cotas autorepercutidas) | RAICT |
| Adquisicións intracomunitarias de servizos (cotas autorepercutidas) | NUMETAS |
| Investimento do suxeito pasivo por operacións con establecidos en terceiros países (cotas autorepercutidas) | RISPM |
| Importacións | IIA |
| Operacións asimiladas á importación | COTA |
| Modificacións e rectificacións de cotas | MODIFTOT |
| RESULTADO DERIVADO DA PRODUCIÓN | RESPROD2 |
Cotas derivadas das totais outras operacións (ROO2)
Suma das cotas doutras operacións procedentes das Compras exteriores (RCEX) máis as modificacións e rectificacións de cotas (MODIFTOT).
Cotas doutras operacións procedentes das compras exteriores (RCEX)
Compóñense de:
- Cotas autorepercutidas por adquisicións intracomunitarias de bens (RAICT). Inclúe as partidas 22, 24, 26, 717, 719 e 76.
- Adquisicións intracomunitarias de servizos (NUMETAS). Suma das partidas 721, 546, 723, 548 e 552.
- Cotas autorepercutidas por supostos de investimento do suxeito pasivo (RISPM).
- Cotas satisfeitas por importacións (IIA).
- Operacións asimiladas ás importacións de bens (COTA).
RCEX= RAICT + NUMETAS + RISPM+ IIA + COTA.
Modificacións e rectificacións de cotas (MODIFTOT)
Aumento ou diminución de cotas repercutidas ou deducidas como consecuencia de modificacións da base impoñible ou rectificacións da cota (par30+par32-par62).
Calcúlase MODIFTOT = par30+par32-par62+par650-par652.
Regularización cotas art.80.cinco.5ª LIVE (partida 658)
Resultado derivado da produción (RESPROD2)
É o importe correspondente á suma do Resultado derivado da actividade interior (RESACTIN) e das cotas derivadas doutras operacións (ROO2).
RESPROD2 = RESACTIN – ROO2.
| RESULTADO DERIVADO DA PRODUCIÓN | RESPROD2 |
|---|---|
| CONSUMO EXTERIOR: IVE non repercutido por vendas exteriores | RVEXT |
| RECADACIÓN DO PERÍODO | RESPER2 |
| Correspondente a Territorio Foral | TAF+DEDUCTAF |
| Compensación pendente de exercicios anteriores | CPEA |
| RESULTADO DA LIQUIDACIÓN ANUAL | RES3 |
IVE non repercutido por vendas exteriores (RVEXT)
É a estimación de cotas potenciais asignadas ás vendas exteriores de resultar estas operacións suxeitas e non exentas. A razón de minorarse aquí é axustar a recadación do período ao seu tratamento real de vendas exentas con dereito a dedución.
Recadación do período (RESPER2)
Diferenza entre a recadación asignada ao resultado derivado da produción (RESPROD2) e o IVE correspondente ao consumo exterior (RVEXT).
RESPER2=RESPROD2-RVEXT
Recadación correspondente ao Territorio Foral (TAF+DEDUCTAF)
É o importe da Recadación do período que corresponde aos territorios forais no caso de suxeitos pasivos que tributan a varias administracións.
Compensacións pendentes de exercicios anteriores (CPEA)
Recadación do período destinada a saldar os saldos pendentes de compensación de exercicios anteriores (par93 ou par85).
| RESULTADO DA LIQUIDACIÓN ANUAL | RES3 |
|---|---|
| Ingreso | ING |
| Devolución mensual | DEVM |
| Devolución anual | DEVA |
| Compensacións pendentes exercicios posteriores | COMP |
| Ingreso en aduanas | IIA-PC659 |
| Ingreso por operacións asimiladas á importación | COTA |
| Resultados positivos de autoliquidacións do exercicio (Mod 322) | PAR525 |
| Resultados negativos de autoliquidacións do exercicio (Mod 322) | PAR526 |
Resultado da liquidación anual (RES3)
Dunha parte, é o importe resultante de detraer da Recadación do período (RESPER2) as cantidades correspondentes a outras administracións (TAF+deductaf) e as destinadas a cubrir os importes pendentes de compensación (CPEA).
Doutra , é o resultado das operacións de liquidación efectuada periodicamente: suma de ingresos (par95) menos devolucións mensuais practicadas (par96 máis par524), minorado na devolución anual solicitada (par98) ou en saldos pendentes de compensación a 31 de decembro (par97), máis ingresos en aduanas e os ingresos por operacións asimiladas á importación. As entidades pertencentes aos grupos de entidades de IVE, integran neste concepto os saldos de seus declaracións-liquidacións periódicas, acumulando de forma diferenciada os de importe positivo (par525) e negativo (par526).