Vendas diarias
A estatística recolle o nivel e a evolución diaria das vendas totais (interiores e exportacións) que realizan as empresas incluídas no sistema de Subministración Inmediato de Información (SII).
Desde a súa entrada en vigor este sistema permitiu dispor de datos de vendas con maior actualidade, diarios fronte aos datos mensuais ou trimestrais característicos das declaracións do IVE. As obrigadas a cubrir as súas obrigas tributarias a través do SII son as Grandes Empresas (aquelas cun volume de operacións no ano anterior superior a 6 millóns de euros), os grupos do IVE e as empresas inscritas no Rexistro de Devolución Mensual. As vendas diarias supoñen arredor do 75 %do total de vendas do conxunto de contribuíntes do IVE.
A publicación está composta por un informe e polas series históricas desde o 1 de xullo de 2017. A partir destas últimas, convenientemente tratadas, proporciónase un sinal da conxuntura económica, que complementa e anticipa a información de vendas contida nos informes de recadación tributaria e na estatística mensual de Vendas, Emprego e Salarios nas Grandes Empresas (VESGE) e na trimestral de Vendas, Emprego e Salarios en Grandes Empresas e Pemes (VESGEP).
A difusión terá periodicidade semanal. Realizarase todos os mércores, agás festivos, que se trasladará un día, ao xoves correspondente.
Nota (27/03/2024): incorporouse a actualización da sectorización das ramas, polo que hai algunhas que viron modificada a súa traxectoria histórica. Iso afecta, polo tanto, aos agregados que se derivan das mesmas. De igual forma, tamén afecta ás series deflactadas e CVEC, xa que cada rama utiliza os seus propios deflactores.