Inscrición. Prazos e solicitude de inscrición. Nomeamento e inscrición de representante de contribuínte non establecido
Infórmate das obrigas rexistrais en relación con este imposto
Prazos e solicitude de inscrición
En caso de estar obrigado, debes solicitar a inscrición como fabricante, almacenista de gases fluorados, adquirente intracomunitario ou importador con carácter previo ao inicio da túa actividade.
Se es representante de contribuínte non establecido en territorio español debes solicitara antes da realización da primeira operación que constitúa o feito impoñible.
Se es fabricante ou almacenista de gases fluorados, debes solicitar a inscrición ante a oficina xestora de impostos especiais onde radique o establecemento en que exerzas a túa actividade. Nos demais casos, debes solicitara ante a oficina xestora de impostos especiais onde radique o teu domicilio fiscal.
Recibida a solicitude, e tramitado o oportuno expediente, a oficina xestora, acordará, se procede, a inscrición no Rexistro territorial do Imposto e notificará o acordo de inscrición, canda a tarxeta acreditativa da inscrición que incluirá o código de identificación de gases fluorados (CAF) asignado.
Deberás obter tantos CAF como actividades. Ademais, se es fabricante ou almacenista de gases fluorados, deberás obter tantos CAF como establecementos en que desenvolvas a túa actividade.
Podes obter información sobre como solicitar a túa inscrición, os requisitos e documentación necesaria na ligazón Rexistro Territorial do Imposto sobre os Gases Fluorados de efecto Invernadoiro