3.2.3. Evolución de ingresos por Imposto sobre Sociedades

Os ingresos no Imposto sobre Sociedades aumentaron un 10,3 por cento en 2015  acadando os 20.649 millóns. En termos homoxéneos o crecemento dos ingresos ascendeu ao 15,9 por cento. Neste crecemento pódense distinguir tres elementos: o incremento da cota diferencial bruta e dos pagamentos fraccionados das pemes que recolle a mellora dos beneficios en 2014; a subida dos ingresos por actas de inspección; e o aumento máis moderado dos pagamentos fraccionados das grandes empresas e grupos que son representativos da evolución dos beneficios en 2015, pero que, a diferenza dos anteriores, están afectados pola reforma do imposto e os cambios na deducibilidade dos gastos de amortización.