3.3. Recadación obtida das actuacións de prevención e control da fraude tributaria e aduaneira

Os resultados recadadores na prevención e loita contra a fraude da Axencia Tributaria acadan no ano 2017 un importe total de 14.792 millóns de euros, o que supón unha diminución do 0,6 por cento respecto do ano 2016 e unha consolidación dos excelentes resultados acadados nos últimos anos.

En relación con este resultado, o índice de eficiencia mide o importe ingresado por estas actuacións de loita contra a fraude por cada euro gastado na Axencia Tributaria. Para o seu cálculo utilízanse as seguintes magnitudes:

No numerador inclúese, en millóns de euros, o importe ingresado pola loita contra a fraude tributario e aduaneiro.
No denominador inclúese, en millóns de euros, o importe do orzamento anual da Axencia Tributaria, en termos de obrigas recoñecidas. Recolle o custo de todas as funcións que desenvolve a Axencia Tributaria, tendo en conta que todas contribúen a cumprir a súa misión de velar pola correcta aplicación do sistema tributario estatal e aduaneiro.

Segundo o índice de eficiencia, en 2017, por cada euro gastado na Axencia, recadáronse 11,47 euros na loita contra a fraude.

Datos e gráficos relacionados con esta cuestión encóntranse no seguinte cadro do Anexo:

Cadro nº 16. Índice de eficiencia (Anexo)

No referente á súa composición, os 14.792 millóns de euros obtidos pola Axencia Tributaria nas actuacións de prevención e loita contra a fraude tributario e aduaneiro inclúen, por un lado, os resultados das actuacións de prevención e control e, por outro, os ingresos inducidos polas devanditas actuacións.