4.3.3. Presentación telemática de declaracións tributarias
En 2018 consolidouse a eliminación dos programas de axuda que requiren a descarga e instalación nos equipos dos contribuíntes e a súa substitución por formularios.
En relación co Imposto sobre o Valor Engadido substituiuse o programa de axuda de escritorio de IVE para a presentación do resumo anual (modelo 390) por un formulario web, coas vantaxes que achega a xestión de declaracións e a mellora de calidade que este cambio implica.
Para a campaña de declaracións informativas 2017, a presentar en 2018, suprimiuse a plataforma de informativas baseadas en programas de axuda de escritorio e implantouse un formulario web de axuda e presentación, migrandose os modelos 184, 190, 347 e 349. Para a campaña 2018, a presentar en 2019 destaca como principal novidade a implantación progresiva dun novo sistema de presentación denominada Transmisión de Grandes Volumes de Información en liña (TGVI en liña), que permitirá incrementar o limiar de rexistros xestionados polos formularios de presentación e mellorar os servizos de recuperación da información e datos das declaracións de exercicios anteriores, permitindo a presentación e validación en liña.
A eliminación da descarga e instalación de programas de axuda no PC do usuario xa se eliminou en relación co IRPF , coa implantación en 2016 de Renda WEB; supuxo unha migración do programa PAI a medio web e o acceso aos datos fiscais e á confección de declaracións desde calquera tipo de dispositivo (ordenador, tablet ou móbil). Durante a campaña de Renda 2017 ampliouse o conxunto de servizos asociados con Renda WEB. Creouse unha nova versión de Renda WEB (OPEN) que permite os labores de formación en materia tributaria, así como a simulación de declaracións sen necesidade de autenticación.
Do mesmo xeito, ampliouse a funcionalidade da aplicación móbil da Axencia Tributaria dotandoa de servizos asociados con Renda, tales como a visualización de datos fiscais, consulta de declaracións presentadas e a confirmación do borrador.
No Gráfico nº 45. Evolución das declaracións do Imposto sobre a Renda das Persoas Físicas presentadas por Internet Nova xanela móstranse as cifras que reflicten o desenvolvemento neste ámbito.
Un ano máis, foi conveniente levar a cabo as adaptacións necesarias para permitir a presentación telemática de novos modelos de declaración e para adaptar os formularios de formalización e presentación electrónica de diversos modelos de declaración aos cambios normativos e avances tecnolóxicos orientados a mellorar a experiencia de usuario e á redución do número de incidencias. Dentro dos novos modelos de declaración destaca a declaración informativa trimestral da cesión de uso de vivendas con fins turísticos (modelo 179), aprobada pola Orde HFP/544/2018, do 24 de maio, e a declaración informativa por gastos en gardarías ou centros de educación infantil autorizados (modelo 233), aprobada pola Orde HAC/1400/2018, do 21 de decembro. As declaracións correspondentes a 2018 de ambos os dous modelos presentaranse no mes de xaneiro de 2019 no primeiro caso e desde o 1 de xaneiro ao 15 de febreiro de 2019 no segundo caso.
Hai que sinalar finalmente que en materia de consultas de declaracións presentadas renováronse e simplificado as opcións dispoñibles na Sede electrónica, facilitando a súa utilización polos usuarios.