4.3.4. Subministración inmediata de información (SII)
O 1 de xullo de 2017 comezou a aplicarse un sistema de xestión do IVE, baseado na Subministración Inmediata de Información (SII). Este sistema, obrigatorio para determinados contribuíntes e opcional para o resto, supuxo unha transformación radical na tramitación do imposto, tanto desde o punto de vista da asistencia como do control.
O 1 de xullo de 2018 abordouse un cambio á versión 1.1, que incorpora novos tratamentos para casos específicos do imposto e inclúe algunhas melloras técnicas, por exemplo, ofrecendo máis información na resposta, facilitando así o seu tratamento por parte dos contribuíntes.
Outras novidades do sistema son as seguintes:
-
opcións de consulta para facer máis concretas as relacións de facturas seleccionadas. Isto posibilita a selección das facturas para as que variou o seu estado de contraste (a información de contraste da factura, que compara a factura emitida por un provedor coa recibida polo seu cliente).
-
opcións de descarga masiva dos datos das facturas;
-
coa incorporación dos novos SII Forais, continúase aumentando a interacción destes sistemas co propio da Axencia Tributaria.
En 2018 ampliáronse e mellorado os dous novos servizos de axuda que se puxeron en funcionamento en 2017 (calculadora de prazos e o asistente virtual), implantandose un novo servizo: o localizador de servizos.