Desde o 8 de xullo de 2022 pódese solicitar, a través do formulario en liña da Axencia Tributaria , a axuda de 200 euros para persoas con baixos ingresos e patrimonio.

O prazo para solicitar esta axuda finaliza o vindeiro 30 de setembro de 2022.

Poden pedir esta axuda aquelas persoas que, a 27 de xuño de 2022:

• Teñan  residencia legal e efectiva  en España e tivésena de maneira continuada e ininterrompida durante o ano inmediato anterior.
• Realicen unha actividade por conta propia ou allea pola que estean  dados de alta no réxime correspondente da Seguridade Social ou mutualidade, ou
• Estean inscritos como desempregados na oficina de emprego, estean cobrando ou non a prestación ou subsidio por desemprego.
• As rendas obtidas en 2021, incluídas as que perciban os conviventes, sexan  inferiores a 14.000 euros  íntegros  (é dicir, o importe bruto percibido sen descontar gastos nin retencións)  e o  patrimonio, descontando a vivenda habitual,  non supere os 43.196,40 euros.

Se necesitas máis información sobre esta axuda na Sede electrónica da Axencia Tributaria publicáronse un folleto explicativo e un apartado de preguntas frecuentes sobre a axuda (por exemplo, en que consiste, quen pode pedira, quen non, como e cando pedira, como págase).

Para  dúbidas e asistencia na formalización do formulario de solicitude  podes:

- Chamar ao teléfono: 91 889 81 46 ou 901 200 346. De luns a venres, de 9 a 19 horas.

- Ou ben solicitar cita previa (telefónica ou en oficinas) para o servizo de “Asistencia Axuda de 200 euros”, a través da Sede electrónica:  Axencia Tributaria: Cita previa xeral  ou chamar ao teléfono 91 290 13 40 ou 901 200 351, de luns a venres, de 9 a 19 horas.