Saltar ao contido principal

Novidades de normativa 2025

Saltar índice da información

Principais novidades tributarias introducidas pola Lei 5/2025, do 24 de xullo, pola que se modifican o texto refundido da Lei sobre responsabilidade civil e seguro na circulación de vehículos a motor, aprobado polo Real decreto Lexislativo 8/2004, do 29 de outubro, e a Lei 20/2015, do 14 de xullo, de ordenación, supervisión e solvencia das entidades aseguradoras e reaseguradoras

IMPOSTO SOBRE A RENDA DAS PERSOAS FÍSICAS

Esta norma introduce as seguintes novidades no Imposto sobre a Renda das Persoas Físicas:

  1. Nova dedución por obtención de rendementos do traballo

    Con efectos desde o 1 de xaneiro de 2025, a Disposición final terceira da Lei 5/2025, do 24 de xullo, pola que se modifican o texto refundido da Lei sobre responsabilidade civil e seguro na circulación de vehículos a motor, aprobado polo Real decreto Lexislativo 8/2004, do 29 de outubro, e a Lei 20/2015, do 14 de xullo, de ordenación, supervisión e solvencia das entidades aseguradoras e reaseguradoras introduce a Disposición adicional sesaxésimo primeira da Lei 35/2006, do 28 de novembro, do Imposto sobre a Renda das Persoas Físicas que regula a nova dedución por obtención de rendementos do traballo.

    Esta modificación ten a finalidade de limitar a subida do imposto para os perceptores do novo salario mínimo interprofesional (SMI), que ascende desde 2025 a 16.576 euros anuais.

    Con efectos desde o 1 de xaneiro de 2025 os contribuíntes con rendementos íntegros do traballo derivado da prestación efectiva de servizos correspondentes a unha relación laboral ou estatutaria inferiores a 18.276 euros anuais, sempre que non teñan rendas distintas destas , excluídas as exentas, superiores a 6.500 euros, poden aplicar unha dedución por obtención de rendementos do traballo.

    A súa contía é a seguinte:

    • Cando os rendementos íntegros do traballo mencionado sexan iguais ou inferiores a 576 euros anuais: 340 euros anuais.

    • Cando os rendementos íntegros do traballo mencionado estean comprendidos entre 16.576 euros anuais e 18.276 euros anuais: 340 euros menos o resultado de multiplicar por 0,2 a diferenza entre os rendementos íntegros do traballo e 16.576 euros anuais.

    Adicionalmente establécese un límite que consiste en que esta dedución non poderá exceder da parte da suma das cotas íntegras estatal e autonómica que proporcionalmente corresponda aos rendementos netos do traballo derivado da prestación efectiva de servizos correspondentes a unha relación laboral ou estatutaria computados para a determinación das bases liquidables.

    O seu importe réstase da cota líquida total do imposto, unha vez practicada a dedución por dobre imposición internacional.

  2. Procedemento para a tramitación das devolucións a mutualistas derivadas da aplicación da disposición transitoria segunda da Lei do IRPF

    Con efectos desde 26 de xullo de 2025, a Disposición final quinta da Lei 5/2025, do 24 de xullo, pola que se modifican o texto refundido da Lei sobre responsabilidade civil e seguro na circulación de vehículos a motor, aprobado polo Real decreto Lexislativo 8/2004, do 29 de outubro, e a Lei 20/2015, do 14 de xullo, de ordenación, supervisión e solvencia das entidades aseguradoras e reaseguradoras modifica a Disposición final décimo sexta da Lei 7/2024, do 20 de decembro, pola que se establecen un Imposto Complementario para garantir un nivel mínimo global de imposición para os grupos multinacionais e os grupos nacionais de gran magnitude, un Imposto sobre a marxe de intereses e comisións de determinadas entidades financeiras e un Imposto sobre os líquidos para cigarros electrónicos e outros produtos relacionados co tabaco, e modifícanse outras normas tributarias que regula a tramitación que hai que seguir pola AEAT para determinar a procedencia e, se é o caso, practicar as devolucións derivadas da xurisprudencia establecida polo Tribunal Supremo en relación á disposición transitoria segunda da Lei 35/2006, do 28 de novembro, do Imposto sobre a Renda das Persoas Físicas en relación cos períodos impositivos 2019 a 2022.

    Modifícase o apartado 3 da disposición final 16 da Lei 7/2024, suprimindose o adiamento na tramitación das devolucións derivadas da aplicación da disposición transitoria segunda da Lei do Imposto en relación cos anos 2019 a 2022 e anteriores non prescritos.

    Ademais, establécese que, coa presentación do formulario que se puxo a disposición desde o 2 de abril de 2025 na Sede electrónica da Axencia Tributaria, os contribuíntes haberán presentado a solicitude da devolución correspondente aos períodos 2019, 2020, 2021, 2022 e anteriores non prescritos, incluso no caso de que a devandita solicitude se presentase con anterioridade a esta modificación normativa.

    Desta maneira habilítase á AEAT a que poida iniciar a tramitación das devolucións derivadas da aplicación da disposición transitoria segunda da Lei do Imposto en relación cos anos 2019 a 2022 e anteriores non prescritos.