Novidades de normativa 2019

Principais medidas tributarias recollidas no Real decreto-lei 18/2019, do 27 de decembro, polo que se adoptan determinadas medidas en materia tributaria, catastral e de Seguridade Social.

Prorróganse para o período impositivo 2020 os límites cuantitativos que delimitan o ámbito de aplicación de método de estimación obxectiva para as actividades económicas incluídas no ámbito de aplicación do devandito método, con excepción das actividades agrícolas, gandeiras e forestais, que teñen o seu propio límite cuantitativo por volume de ingresos.

Magnitudes excluíntes de carácter xeral:

• Volume de ingresos no ano inmediato anterior superior a 250.000 euros para o conxunto de actividades económicas, agás as agrícolas, gandeiras e forestais. Computaranse a totalidade das operacións, exista ou non obriga de expedir factura. As operacións en que exista obriga de expedir factura cando o destinatario sexa empresario, non poderán superar 125.000 euros.
• Volume de ingresos para o conxunto de actividades agrícolas, forestais e gandeiras superiores a 250.000 euros.
• Volume de compras en bens e servizos no ano inmediato anterior, excluídas as adquisicións do inmobilizado, superior a 250.000 euros.

(Modifícase o DT 32ª LIRPF)

Ademais, establécese un novo prazo de renuncia ou revogación para o ano 2020 ao método de estimación obxectiva do Imposto sobre a Renda das Persoas Físicas. O devandito prazo será dun mes a partir do día seguinte á data de publicación no BOE do Real Decreto-lei 18/2019, isto é, ata o 29 de xaneiro de 2020.

As renuncias e revogacións presentadas para o ano 2020 aos devanditos réximes durante o mes de decembro de 2019 entenderanse presentadas en período hábil, podendo modificarse esta opción ata o 29 de xaneiro de 2020.