Novidades publicadas no INFORMA 2022

Novidades publicadas no INFORMA durante o mes de setembro

Aínda que o valor de adquisición dun inmoble que conste na escritura de compra sexa inferior ao valor de referencia que se establece na Lei do   ITPAJD e sobre o que se tributou neste imposto, en caso de venda do inmoble , para os efectos do cálculo do importe da ganancia ou perda patrimonial, para a determinación do valor de adquisición hai que partir do importe real polo que a adquisición se efectuase , con independencia da determinación da base impoñible que proceda no ITPAJD.

Nas transmisións onerosas, para determinar o valor de adquisición partirase do importe real polo que a adquisición se efectuase . Non obstante, naqueles casos en que a Comunidade Autónoma competente realizase unha comprobación de valores para os efectos do   ITP e AJD terá que terse en conta no IRPF o valor comprobado como o importe real de valor de adquisición para os efectos de determinar a ganancia ou perda patrimonial derivada da transmisión do inmoble.

A concesión da opción de compra sobre un inmoble produce no concedente unha ganancia de patrimonio que se debe integrar na base impoñible do aforro e non na base impoñible xeral como viña interpretando a doutrina e a xurisprudencia anterior. Novo criterio fixado pola Sentenza do Tribunal Supremo 2598/2022, do 21 de xuño de 2022.