Novidades publicadas no INFORMA 2025

Novidades publicadas no INFORMA durante o mes de abril

A partir do 1 de xaneiro de 2025, a actividade de produción de mexillón en batea sitúase no Anexo I (actividades agrícolas, gandeiras e forestais) e o rendemento neto de módulos óbténse aplicando ao rendemento neto minorado un índice corrector específico en función do número de  bateas.

A partir do 1 de xaneiro de 2025, a actividade de produción de mexillón en batea sitúase no Anexo I (actividades agrícolas, gandeiras e forestais) e aplícase ás actividades agrícolas, gandeiras e forestais un novo índice corrector específico en función do número de  bateas.

A partir do 1 de xaneiro de 2025, ao situarse a actividade de produción de mexillón en batea no Anexo I (actividades agrícolas, gandeiras e forestais), o rendemento neto previo xa non se calcula en función dos módulos (persoal e bateas) senón aplicando ao volume de ingresos o índice de rendemento neto e un índice corrector específico en función do número de  bateas.

Modifícase para aclarar a documentación que deben achegar os herdeiros para poder percibir unha devolución inferior ou igual a 2000 euros correspondentes ao IRPF dunha persoa falecida.

Modifícase para aclarar a documentación que deben achegar os herdeiros para poder percibir unha devolución superior a 2000 euros correspondentes ao IRPF dunha persoa falecida.

Modifícase para recoller o criterio a resolución 6769/2024 do TEAC do 31 de marzo de 2025 conforme ao cal a exención por reinvestimento noutra vivenda habitual non é unha opción das do artigo 119.3 da Lei Xeral Tributaria, senón un dereito do contribuínte , que poderá exercitar na declaración do ano en que esa ganancia de patrimonio se obtivo, ou posteriormente instando a rectificación da presentada.

Tras a súa aplicación desde 2011, a redución para actividades no termo municipal de Lorca foi eliminada na Orde de módulos para 2025.

Mantéñense en 2025 as reducións dos índices correctores por pensos adquiridos a terceiros e por cultivos en terras de regadío que se aprobaron en 2021.

Modifícase para recoller a novidade, con efectos desde o 1 de xaneiro de 2025, da ampliación ata o 31 de decembro de 2025 do prazo durante o cal poden adquirirse os vehículos ou instalarse os puntos de recargas para aplicar a dedución por adquisición de vehículos eléctricos enchufables e de pila de combustible e puntos de recarga, modificando para iso a disposición adicional quincuaxésimo oitava da Lei 35/2006, do 28 de novembro, do IRPF.

Analízase como tributa en IRPF a herdanza xacente sometida á fiducia sucesoria aragonesa.