Novidades publicadas no INFORMA 2026

Novidades publicadas no INFORMA durante o mes de xuño

O pagamento da cota de liquidación ao socio pola súa separación dunha sociedade civil xera unha ganancia ou perda patrimonial no socio que hai que integrar na base impoñible do aforro. Non é gasto deducible para a sociedade, senón un reembolso de patrimonio.

A indemnización por vicios ocultos nunha vivenda reduce o prezo de venda para calcular a ganancia ou perda patrimonial futura. Esta minoración esixe acreditar a existencia real dos vicios e a súa relación directa co importe indemnizado por calquera medio de proba admitida en Dereito.

Non se aplica a dedución por obras de mellora da eficiencia enerxética de vivendas por baterías para almacenaxe con certificado anterior á súa instalación, pois a Lei do IRPF esixe que o certificado sexa posterior. É obrigatorio obter un novo certificado emitido tras finalizar a instalación das baterías para acreditar a mellora enerxética.

As ganancias patrimoniais derivadas dos procedementos concursais están exentas do IRPF se se cumpran os requisitos legais. A venda tutelada dunha vivenda para cancelar a débeda considérase extintiva da obriga, mantendose a exención en IRPF, mesmo se a realiza un terceiro.

As compensacións do Réxime Especial de Agricultura Gandaría e Pesca (REAGP) deben incluírse como ingreso  para o cálculo do rendemento neto. Trátase dun  ingreso contable e, tanto en estimación directa como en obxectiva, o rendemento neto baséase nos ingresos contables.

Non é posible aplicar a redución do 30 %a unha indemnización polo cesamento anticipado dun socio profesional, xa que non se configura como unha renda cun período de xeración superior a dous anos nin como unha renda obtida de forma notoriamente irregular.