Novidades publicadas no INFORMA 2026

Novidades publicadas no INFORMA durante o mes de febreiro

Amplíase o prazo para renunciar ou revogar a renuncia ao réxime de estimación obxectiva ata o 16 de febreiro de 2026.

Con efectos a partir do 28 de xaneiro de 2026 estarán exentas as axudas en concepto de danos sufridos contempladas no Real Decreto-lei 1/2026, do 27 de xaneiro, de axudas as vítimas dos accidentes ferroviarios de Adamuz (Córdoba) e Xélida (Barcelona).

A bolsa ou axuda ao estudo que a empresa satisfaga o estudante pola realización das prácticas externas, outorgadas ao abeiro dos programas de cooperación educativa universidade-empresa, considéranse como rendementos do traballo e están suxeitos a retención.

Con efectos desde o 1 de xaneiro de 2026  modifícase a disposición adicional sesaxésimo primeira á Lei  do IRPF que regula a dedución por obtención de rendementos do traballo elevando os importes da mesma.

Con efectos desde o 20 de febreiro de 2026 estarán exentas as axudas por danos persoais ás que se refire o artigo 3.1 do Real Decreto-lei 5/2026 do 17 de febreiro, polo que se adoptan medidas urxentes en resposta aos danos causados por diversos fenómenos meteorolóxicos adversos, de especial afectación en diferentes municipios das Comunidades Autónomas de Andalucía e Extremadura.

A concesión de puntos nun programa empresarial de incentivos cualifícase como rendementos do traballo en especie valorandose os mesmos polo seu valor de mercado no momento do troco. Non se pode aplicar a redución do 30 por cento prevista no artigo 18.2 da Lei do IRPF.