Que tipo aplícase ás obras en vivendas?

Obras de renovación ou reparación

Como norma xeral, o tipo aplicable será o xeral (21 %).

Porén, tributarán ao tipo reducido (10 %) as execucións de obra de renovación e reparación en edificacións destinadas principalmente a vivendas, se se cumpren os seguintes requisitos:

Que  o destinatario sexa unha persoa física  e utilice a vivenda para o seu uso particular. Se a vivenda se destina ao arrendamento ou ao exercicio dunha actividade empresarial ou profesional (aínda de forma parcial), non se aplica o tipo reducido.

Que a construción ou rehabilitación finalizase polo menos dous anos antes do comezo das obras de renovación ou reparación.

Que a persoa que realice as obras non achegue  materiais  para a súa execución ou, no caso de que os achegue,  o seu custo non exceda do 40 por cento da base impoñible da operación.

Por exemplo:

A colocación do solo dunha vivenda por 10.000 €, correspondendo 3.000 € a materiais achegados por quen realiza a obra, tributa toda ela ao tipo reducido.

Unha obra por un importe total de 10.000 €, se os materiais achegados ascenden a 5.000 €., tributa, porén, ao tipo xeral.