Novidades de normativa 2026

Orde HAC/1028/2026, do 2 de outubro, pola que se regula a solución pública de facturación electrónica, de acordo co que se dispón na disposición final terceira do Real decreto 238/2026, do 25 de marzo, polo que se desenvolve o sistema de facturación electrónica obrigatoria entre empresarios e profesionais e polo que se modifica o Regulamento polo que se regulan as obrigas de facturación, aprobado polo Real decreto 1619/2012, do 30 de novembro.

Esta orde ten por obxecto concretar os elementos técnicos e funcionais necesarios para o funcionamento da solución pública de facturación electrónica, desenvolvendo as previsións contidas no Real decreto 238/2026, do 25 de marzo.
En particular, a orde establece as condicións aplicables aos servizos de emisión e interconexión de facturas electrónicas, á remisión de copias fieis das facturas, á comunicación dos estados das facturas e dos pagamentos, así como á súa recuperación, consulta e descarga. Así mesmo, determina as formas de autenticación, identificación e representación necesaria para acceder aos distintos servizos da solución pública.
A disposición final cuarta do Real decreto 238/2026, do 25 de marzo, establece un sistema de aplicación diferida, cuxo cómputo comeza desde a entrada en vigor da orde ministerial que desenvolve a solución pública de facturación electrónica.

Desde o momento da entrada en vigor da Orde (06/10/2026), resultan aplicables as seguintes obrigas:

• Aos 12 meses (06/10/2027) : Empresarios e profesionais con volume de operacións maiores a 8 millóns €: obriga de expedir, remitir e recibir factura electrónica, e obriga de informar sobre os estados da factura e os pagamentos.
• Aos 24 meses (06/10/2028) : Resto de empresarios e profesionais: obriga de expedir, remitir e recibir factura electrónica. E para as persoas xurídicas con volume inferior ou igual a 8 millóns de euros, tamén a obriga de informar sobre os estados das facturas e pagamentos.
• Aos 36 meses (06/10/2029) : Persoas físicas e entidades en réxime de atribución de renda, obriga de informar sobre os estados das facturas e pagamentos.

por la que se regula la solución pública de facturación electrónica, de acuerdo con lo dispuesto en la disposición final tercera del Real Decreto 238/2026, de 25 de marzo, por el que se desarrolla el sistema de facturación electrónica obligatoria entre empresarios y profesionales y por el que se modifica el Reglamento por el que se regulan las obligaciones de facturación, aprobado por el Real Decreto 1619/2012, de 30 de noviembre.(BOE, 05-octubre-2026)