10.15.25. Por doazóns de importes monetarios relativos a outros fins culturais

Introdúcese unha nova dedución autonómica do 15 por cento das cantidades doadas aos destinatarios e para as finalidades seguintes:

As doazóns efectuadas á Generalitat e ás Corporacións Locais da Comunitat Valenciana e ás entidades públicas de carácter cultural que dependan das devanditas Administracións, sempre que se destinen ao financiamento de programas de gasto ou actuacións que teñan por obxecto a promoción de calquera actividade cultural, deportiva ou científica distinta das previstas nos apartados q e r do Art. 4 da Lei 13/1997).
As doazóns efectuadas a empresas culturais con fondos propios inferiores a 300.000 euros, cuxa actividade sexa a cinematografía, as artes escénicas, a música, a pintura e outras artes visuais ou audiovisuais, a edición ou a investigación, sempre que se destinen ao desenvolvemento da súa actividade. A base máxima de dedución será de 3.000 euros por período impositivo.
As doazóns efectuadas ás universidades públicas e privadas, aos centros de investigación da Comunitat Valenciana e aos centros superiores de ensinanzas artísticas, cando se destinen ao financiamento de programas de gasto ou actuacións que teñan por obxecto actividades de investigación ou docencia. A base máxima de dedución será de 50.000 euros por período impositivo.
As doazóns efectuadas ás universidades públicas e aos centros públicos de ensinanzas artísticas superiores da Comunitat Valenciana con destino ao financiamento de programas de gasto ou actuacións para o fomento do acceso á educación superior.
As achegas de capital efectuadas a empresas de base tecnolóxica creada ou desenvolvida a partir de patentes ou de resultados xerados por proxectos de investigación realizada en universidades valencianas e nos centros superiores de ensinanzas artísticas valencianas. A base máxima de dedución será de 50.000 euros por período impositivo.

Para ter dereito a esta dedución débese acreditar a efectividade da doazón e o valor da mesma mediante certificación emitida pola entidade donataria. Ademais, a entrega do importe monetario debe realizarse mediante tarxeta de crédito ou débito, transferencia bancaria, cheque nominativo ou ingreso en entidades de crédito.

Formalización :

Deberá incluír no recadro correspondente o importe das cantidades doadas analizadas segundo o tipo de donativo.

IMPORTANTE

Requisitos comúns ás deducións autonómicas por doazón de cantidades monetarias para a conservación, reparación e restauración dos bens do Patrimonio Cultural Valenciano, polas cantidades destinadas polos titulares de bens pertencentes ao Patrimonio Cultural Valenciano, á conservación, reparación e restauración dos citados bens, por doazóns destinadas ao fomento da lingua valenciana e por doazóns de importes monetarios relativas a outros fins culturais.

Establécese que a base das anteriores deducións autonómicas non poderá superar o 20 % da base liquidable do contribuínte.