Rendas temporais

1. RENDAS TEMPORAIS INMEDIATAS (art. 25.3 Lei)

   Se se trata de rendas temporais inmediatas, considerarase rendemento do capital mobiliario o resultado de aplicar a cada anualidade as porcentaxes seguintes:

   • 12 por 100, cando a renda teña unha duración inferior ou igual a cinco anos.
   • 16 por 100, cando a renda teña unha duración superior a cinco e inferior ou igual a dez anos.
   • 20 por 100, cando a renda teña unha duración superior a dez e inferior ou igual a quince anos.
   • 25 por 100, cando a renda teña unha duración superior a quince anos.

2. RENDAS TEMPORAIS DIFERIDAS (art. 25.3. a) 4ª Lei)

   Cando se perciban rendas temporais diferidas considerarase rendemento do capital mobiliario o resultado de aplicar a cada anualidade a porcentaxe que corresponda dos previstos anteriormente, incrementado na rendibilidade obtida ata a constitución da renda.

   Se as rendas foron adquiridas por doazón ou calquera outro negocio xurídico a título gratuíto e inter vivo, o rendemento do capital mobiliario será, exclusivamente, o resultado de aplicar a cada anualidade a porcentaxe que corresponda dos sinalados anteriormente.

RENDIBILIDADE OBTIDA ATA O MOMENTO DE CONSTITUCIÓN DAS RENDAS DIFERIDAS (art. 18 Rgl.)

Cando se perciban rendas diferidas, a rendibilidade obtida ata a constitución da renda someterase a gravame de acordo coas seguintes regras:

A rendibilidade virá determinada pola diferenza entre o valor actual financeiro-actuarial da renda que se constitúe e o importe das primas satisfeitas.

A devandita rendibilidade repartirase linearmente durante os 10 primeiros anos de cobramento da renda vitalicia. Se se trata dunha renda temporal, repartirase linearmente entre os anos de duración da mesma co máximo de 10 anos.