Consumos de explotación
Esta rúbrica recolle as compras consumidas no exercicio de mercadorías, materias primas e demais adquisicións correntes de bens efectuados a terceiros.
O prezo de adquisición comprenderá o consignado na factura máis todos os gastos adicionais que se produzan ata que os bens se achen en almacén, tales como transportes, aduanas, seguros, etc.
O custo de produción dos produtos fabricados pola propia empresa determinarase engadindo ao prezo de adquisición das materias primas e outras materias consumibles, os custos directamente imputables ao produto, así como a parte que razoablemente corresponda dos custos indirectos soportados durante o proceso de fabricación.
Para a valoración de existencias, admitirase como criterio valorativo para grupos homoxéneos de existencias o custo medio ponderado e a FIFO (primeira entrada, primeira saída).