7.5.2.3. Gastos fiscalmente deducibles

En xeral, considéranse deducibles os gastos previstos na normativa contable, sempre que non estean expresamente excluídos por unha norma fiscal.

Para que un gasto sexa fiscalmente deducible cómpre, ademais, que se devindicase, estea contabilizado e dispóñase de xustificación axeitada (xeralmente factura completa).

Pode utilizarse, con carácter orientador, a seguinte relación de gastos:

TRATAMENTO DO IVE

Como regra xeral, entre os gastos non debe incluírse o importe do IVE soportado nas adquisicións de bens ou servizos, agás nos seguintes supostos:

Se a actividade desenvolvida se encontra no réxime especial da recarga de equivalencia ou no de agricultura, gandaría e pesca.
Nas adquisicións de bens que pola súa parte se transmitan con aplicación do réxime especial de bens usados, obxectos de arte, antigüidades e obxectos de colección.
Cando nas adquisicións de bens ou servizos as cotas soportadas non resulten deducibles das reportadas de acordo coa normativa do Imposto sobre o Valor Engadido.

Desde o 1 de xaneiro os contribuíntes poderán deducirse as subministracións producidas na vivenda, sempre que esta estea destinada parcialmente ao desenvolvemento da actividade económica.

Cando o contribuínte afecte parcialmente a súa vivenda habitual ao desenvolvemento da actividade económica, os gastos de subministracións da devandita vivenda serán deducibles na porcentaxe resultante de aplicar o 30 por cento á proporción existente entre os metros cadrados da vivenda destinados á actividade con respecto á súa superficie total, non sendo que se probe unha porcentaxe superior ou inferior.