Exencións e devolucións de IVE en embaixadas, organismos internacionais, OTAN e Forzas Armadas da UE.

Existen dous procedementos para poder solicitar a exención do   IVE polas operacións realizadas en España:

1. Solicitude de recoñecemento previo da exención (Modelo 363)
2. Solicitude de reembolso do IVE (Modelo 362)

Segundo a operación terase que solicitar por un procedemento ou outro.

Solicitarase a exención do   IVE con carácter previo á realización das seguintes operacións:

• Entregas e arrendamentos de edificios e terreos anexos para ser utilizados como:

  • Sede das súas representacións diplomáticas ou Oficinas consulares

  • Residencia do xefe da Misión diplomática ou Oficina consular

  • Sedes ou oficinas en España dun Organismo Internacional 

• Execucións de obra directamente formalizadas co contratista, que teñan por obxecto a construción, reforma, ampliación ou rehabilitación dos edificios mencionados.

• Traballos de reparación ou conservación dos edificios mencionados. O importe de cada operación illada ten que exceder 750 euros.

• Entregas ou arrendamento con opción de compra de automóbiles para ser utilizados por:

  • As Embaixadas, Consulados, Organismos Internacionais, para uso oficial.

  • Os Axentes diplomáticos, funcionarios consulares de carreira e membros con estatuto diplomático dun Organismo Internacional, nas unidades fixadas polo ministro de Facenda e Función Pública.

  • Persoal técnico administrativo das embaixadas e organismos internacionais, así como empregados consulares, sempre que non sexan españois nin teñan residencia permanente en España, nas unidades fixadas polo ministro de Facenda e Función Pública.

Os suxeitos pasivos do IVE que realicen as citadas operacións non repercutirán o imposto, facendo constar na factura o recoñecemento da exención outorgada pola Axencia Estatal da Administración Tributaria, conservando o devandito recoñecemento como xustificante da exención.

1. Entregas de bens necesarios para uso oficial de:

   • Misións diplomáticas acreditadas e residentes en España e das Oficinas consulares de carreira.

   • Organismos Internacionais recoñecidos en España (cos límites establecidos nos Acordos de Sede).

2. Entregas de material de oficina para uso oficial, cando o total da factura maior de 300 euros (IVE incluído).

3. Subministracións de auga, gas, electricidade e combustibles, así como servizos de telecomunicación, radiotelegrafía, de vixilancia e seguridade efectuada para locais das representacións diplomáticas, oficinas consulares e organismos internacionais, así como da residencia do xefe da misión diplomática, da oficina consular e organismo internacional.

4. Servizos de consultoría, tradución, corrección ou composición de textos, intérpretes e limpeza, para uso oficial das representacións diplomáticas, oficinas consulares e organismos internacionais.

5. Entregas de bens, nas cantidades fixadas polo ministro de Facenda como necesarias, para o uso e consumo persoal de:

   • Axentes diplomáticos e membros da súa familia.

   • Funcionarios de carreira das oficinas consulares e membros da súa familia.

   • Membros con Estatuto diplomático dos organismos internacionais con sede ou oficina en España (estarase ao que estableza o Acordo de sede) e membros da súa familia.

• As solicitudes de reembolso (modelo 362) presentaranse trimestralmente Por cada trimestre e solicitante presentarase un único modelo.

  Presentaranse ante o Ministerio de Asuntos Exteriores, Unión Europea e Cooperación no prazo dos seis meses seguintes á terminación do período a que correspondan.

• As solicitudes de recoñecemento previo da exención (modelo 363) presentaranse ante o Ministerio de Asuntos Exteriores, Unión Europea e Cooperación con carácter previo á realización da operación.

As solicitudes de exención (modelo 362 e 363) presentaranse ante o Ministerio de Asuntos Exteriores, Unión Europea e Cooperación que as trasladará ao centro xestor (Axencia Estatal de Administración Tributaria) para a súa tramitación. A autorización expedida será trasladada aos interesados a través do Ministerio de Asuntos Exteriores, Unión Europea e Cooperación.

As solicitudes de reembolso dos axentes diplomáticos, funcionarios de carreira das oficinas consulares ou membros con estatuto diplomático de Organismos internacionais con sede ou oficina en España, teñen que cumprir os seguintes requisitos:

• O importe total de cada factura en que se documenten as operacións non sexa inferior a 240,40 euros (IVE incluído). Con esta finalidade, poderán incluírse nunha soa factura as operacións realizadas para un mesmo destinatario no prazo máximo dun mes natural.

• O conxunto de adquisicións para o trimestre non pode superar 9.015,18 euros (Base Impoñible sen IVE).

Son as seguintes:

• Automóbiles: Para o xefe de Misión (embaixadores), o número de unidades poderá acadar ata 4; para os Axentes diplomáticos, funcionarios consulares de carreira ou de funcionarios con estatuto diplomático de Organismos Internacionais con sede en España, o número de unidades non poderá exceder de 3 e para o persoal técnico-administrativo e empregados consulares, o número de unidades non poderá exceder de 1.

• Labores do tabaco referidas ao conxunto adquisicións efectuadas nun trimestre natural: Para os xefes de Misión, 18.000 unidades de cigarros e 130 unidades de cigarros puros. Para o resto de persoal diplomático, consular e de organismos internacionais, 9.000 unidades de cigarros e 65 unidades cigarros puros.

• Alcohois e Bebidas derivadas referidas ao conxunto de adquisicións efectuadas nun trimestre natural: Para os xefes de Misión, 180 litros de bebidas derivadas e 60 litros de viño escumoso. Para o resto de persoal diplomático, consular e de organismos internacionais, 90 litros de bebidas derivadas e 30 litros de viño escumoso.