A Axencia Tributaria interveu máis de dous millóns de produtos falsificados en 2013
Loita contra a pirataría
-
O Departamento de Aduanas realizou case 2.300 operacións contra a importación de mercadoría falsa, denunciou 157 presuntos delitos e detivo 167 persoas por esta actividade ilícita
-
Téxtil e calzado, lentes e compoñentes electrónicos concentran máis da metade dos produtos incautados
-
Nacións Unidas lanza unha campaña para informar o consumidor do prexuízo económico e social que xeran as falsificacións
14 de xaneiro de 2014.- A Axencia Tributaria interveu durante 2013 máis de dous millóns de produtos falsificados mediante case 2.300 operacións (retencións) levadas a cabo polo Departamento de Aduanas. De chegar ao mercado, esta mercadoría falsa acadaría un valor de 230,9 millóns de euros. No curso destas actuacións erguéronse 157 atestados, coas correspondentes denuncias por delitos contra a propiedade intelectual e industrial, e procedeuse á detención de 167 persoas presuntamente vinculadas con esta actividade ilícita.
Por grupos de produtos, o maior número de incautacións correspóndense coa roupa, o calzado e os complementos. En 2013 interviñéronse algo máis de medio millón de unidades, un 24% do total. Pola súa parte, interviñéronse máis de 355.000 lentes (17% do total) e máis de 275.000 produtos relacionados coa electrónica (13% do total).
Porén, os reloxos falsificados son os produtos incautados con maior valor. O pasado ano a Axencia Tributaria interveu máis de 146.000 reloxos falsificados, cun valor estimado de máis de 110 millóns de euros, case un 48% do total. Pola súa banda o valor dos lentes intervidos estímase en 46 millóns de euros, e en case 28 millóns a valoración do téxtil, calzado e complementos.
A metade das intervencións afectaron expedicións comerciais por vía aérea e o 12% a expedicións por vía marítima, mentres que o 26% concentrouse no equipaxe de viaxeiros (tanto por vía aérea como marítima). Por número de produtos incautados, a principal vía de introdución segue sendo a expedición comercial por mar (case o 80% do total).
Por procedencia da mercadoría falsa, a maioría dos produtos incautados procede de Asía, un 67%, e da África, un 31%. Con respecto ao ano anterior, destaca a caída das intervencións de mercadoría do continente asiático, que en 2012 representaban o 77% do total, e un paralelo aumento das incautacións de produtos da África.
Campaña da ONU
Para concienciar aos consumidores sobre os efectos perniciosos do tráfico ilícito de produtos falsificados, hoxe mesmo a Oficina da Nacións Unidas contra a Droga e o Delito (UNODC) lanzou unha nova campaña mundial que, baixo o lema “Produtos falsificados: non apoies o crime organizado”, informa o consumidor de que, comprando produtos falsificados, pode estar financiando bandas de delincuencia organizada, pór en perigo a súa propia saúde e contribuír a outros problemas éticos e ecolóxicos.
A campaña de Nacións Unidas se articula arredor dun novo anuncio de servizo público que se pode visualizar na seguinte ligazón: http://youtu.be/y4zjLUwCjDA
O anuncio insta os consumidores a “ollar máis alá ”dos produtos falsificados co fin de acadar un maior entendemento das diversas repercusións deste comercio ilegal.
Consciente do grave prexuízo económico e social que supón o negocio das falsificacións, o plan anual de control da fraude da Axencia Tributaria vén considerando unha das súas prioridades o control integral da importación e venda de mercadoría, co obxectivo de desarticular posibles circuítos de economía mergullada. Para iso, a Axencia Tributaria realiza unha análise por perfís de risco de todas as importacións que se realizan en territorio nacional atendendo ao país de orixe, tipo de produto, intervenientes e outras moitas características da operación mercantil.
Resultados por grupos de produtos:
|
2012 |
2013 |
||||
|
Unidades |
Valoración |
Unidades |
% / Total |
Valoración |
% / Total |
Reloxos |
63.642 |
239.366.245 |
146.884 |
7 |
110.421.224 |
48 |
Lentes (inclúe as de sol) |
45.844 |
5.869.300 |
355.576 |
17 |
45.909.133 |
20 |
Roupa, calzado e complementos |
429.411 |
22.953.121 |
503.096 |
24 |
27.971.420 |
12 |
Perfumes e cosmética |
170.550 |
6.075.822 |
246.439 |
12 |
19.937.762 |
9 |
Bolsas, caixas, moedeiros e outros |
215.635 |
52.833.291 |
50.685 |
2 |
11.902.497 |
5 |
Equipos electrónicos e compoñentes |
203.648 |
6.360.832 |
275.520 |
13 |
5.625.700 |
2 |
Xoiaría |
55.715 |
1.372.628 |
67.207 |
3 |
3.120.845 |
1 |
Xoguetes e xogos electrónicos |
117.524 |
1.317.448 |
188.719 |
9 |
2.919.096 |
1 |
Outros |
634.574 |
3.004.368 |
222.637 |
11 |
3.126.465 |
1 |
TOTAL |
1.936.543 |
339.153.054 |
2.056.763 |
100 |
230.934.142 |
100 |
Vixilancia Aduaneira: Presentación de denuncias por contrabando e delitos relacionados
Teléfono gratuíto 900351378. Correo electrónico: va.adu@aeat.es