3.5. Lexitimación

Segundo o artigo 6.1.c do Regulamento UE 2016/679, os datos de carácter persoal poderán ser tratados cando “o tratamento cómpre para o cumprimento dunha obriga legal aplicable ao responsable do tratamento ”.

A Axencia Tributaria, por lei, ten encomendada a aplicación efectiva do sistema tributario estatal e aduaneiro. Polo tanto, os tratamentos realizados no cumprimento das devanditas obrigas están lexitimados, de acordo aos requisitos que esixe o Regulamento UE 2016/679.

Así mesmo, o tratamento realízase conforme ao artigo 6.1.e do Regulamento 2016/679 (UE ) "o tratamento cómpre para o cumprimento dunha misión realizada en interese público ou no exercicio de poderes públicos conferidos ao responsable do tratamento ", xa que cómpre para o exercicio dos poderes públicos conferidos á Axencia Tributaria polo artigo 103 da Lei 31/1990, do 27 de decembro de Orzamentos Xerais do Estado para 1991.

Ademais do descrito anteriormente, realízanse outros tratamentos non asociados á xestión sistema tributario estatal e aduaneiro, cuxa lexitimación se describe en cada unha das actividades de tratamento deste tipo que realiza a Axencia Tributaria e que están accesibles no rexistro de actividades de tratamento.