5. Rexistro das actividades de tratamento

O artigo 30 do Regulamento (UE) 2016/679 establece que o responsable do tratamento levará un rexistro das actividades de tratamento efectuado baixo a súa responsabilidade. O devandito rexistro deberá conter toda a información indicada a continuación:

o nome e os datos de contacto do responsable e, se é o caso, do corresponsable, do representante do responsable, e do delegado de protección de datos;
os fins do tratamento;
unha descrición das categorías de interesados e das categorías de datos persoais;
as categorías de destinatarios a quen se comunicaron ou comunicarán os datos persoais, incluídos os destinatarios en terceiros países ou organizacións internacionais;
se é o caso, as transferencias de datos persoais a un terceiro país ou unha organización internacional, incluída a identificación do devandito terceiro país ou organización internacional e, no caso das transferencias indicadas no artigo 49, apartado 1, parágrafo segundo, a documentación de garantías axeitadas;
cando sexa posible, os prazos previstos para a supresión das diferentes categorías de datos;
cando sexa posible, unha descrición xeral das medidas técnicas e organizativas de seguridade a que se refire o artigo 32, apartado 1.

Ademais, as Administracións Públicas deberán facer público o inventario das súas actividades de tratamento, sendo accesible por medios electrónicos, tal e como establece o artigo 31.2 da Lei Orgánica 3/2018, do 5 de decembro, de Protección de Datos Persoais e garantía dos dereitos dixitais.

Indicar que a Axencia Tributaria actúa como responsable de todos os tratamentos especificados no RAT a excepción dos seguintes tratamentos en que actúa como encargado de tratamento:

tratamento 5.5 Sistema Integrado de Recadación só no caso de débedas non tributarias xestionadas por Departamentos Ministeriais
tratamento 5.13 Rexistro do Sistema de Identificación Cl@ve
tratamento 5.7 Punto Neutro Embargos

En aplicación do anterior, relaciónanse a continuación as actividades de tratamento de datos persoais realizadas pola Axencia Tributaria.