3.6. Destinatarios

De acordo ao artigo 95 da Lei Xeral Tributaria todos os datos, informes ou antecedentes obtidos pola Administración tributaria no desempeño das súas funcións teñen carácter reservado e só poderán ser utilizados para a efectiva aplicación dos tributos ou recursos cuxa xestión teña encomendada e para a imposición das sancións que procedan, sen que poidan ser cedidos ou comunicados a terceiros.

Porén, o artigo 95 da Lei Xeral Tributaria tamén establece unha serie de casos taxados onde si se contempla que a Axencia Tributaria poida ceder ou comunicar datos a terceiros, que poderán ser de dous tipos:

• Cesións ou comunicacións de datos en casos do tipo a colaboración no cumprimento de obrigas fiscais con outras administracións públicas, a loita contra o delito fiscal e contra a fraude en diferentes ámbitos, a colaboración con investigacións dos órganos xudiciais e o ministerio fiscal, o control da propia actividade da Axencia Tributaria.

Nestes casos, de acordo co artigo 6 do Regulamento UE 2016/679 non cumprirá conseguir o consentimento expreso do cidadán, para que se poidan realizar estas cesións ou comunicacións. Doutra banda, de acordo co artigo 14 do Regulamento UE 2016/670, de producirse unha cesión ou comunicación non cumprirá informar o cidadán.

• Resto de cesións e comunicacións que non se contemplan expresamente no artigo 95, e que son necesarias no ámbito da colaboración entre Administracións públicas para facilitar a prestación de servizos públicos ao cidadán.

Nestes casos sempre cumprirá que a Administración que solicita os datos conte co consentimento expreso do cidadán.

Ademais, o Considerando 31 do Regulamento UE 2016/679 establece que no caso de que a comunicación de datos persoal se realice entre autoridades públicas, incluídas as fiscais e aduaneiras, non se considerarán nin sequera destinatarios de datos cando estes son necesarios para levar a cabo unha investigación concreta de interese xeral.

Ademais do descrito anteriormente, realízanse outros tratamentos non asociados á xestión sistema tributario estatal e aduaneiro, cuxos destinatarios se describen en cada unha das actividades de tratamento deste tipo que realiza a Axencia Tributaria e que están accesibles no rexistro de actividades de tratamento.