O 14 de marzo publicouse o Real decreto 463/2020, polo que se declara o estado de alarma para a xestión da situación de crise sanitaria ocasionada polo COVID-19, que establece:

Suspéndense os termos e interrómpense os prazos para a tramitación dos procedementos das entidades do sector público. O cómputo dos prazos continuarase no momento en que perda vixencia o presente real decreto ou, se é o caso, as súas prórrogas.

Os prazos de prescrición e caducidade de calquera acción e dereito quedarán suspendidos durante o tempo de vixencia do estado de alarma e, se é o caso, das prórrogas que se adopten.

Non obstante, a suspensión dos termos e a interrupción dos prazos administrativos que se establecen no real decreto que declara o estado de alarma non será de aplicación aos prazos tributarios, suxeitos a normativa especial, nin afectará, en particular, aos prazos para a presentación de declaracións e autoliquidacións tributarias