Todas as novidades

Encóntrase dispoñible o calendario do contribuínte para 2025 en formatos HTML e Calendar.

No BOE do 19 de decembro de 2024 publicouse a Orde HAC/1432/2024, do 11 de decembro, pola que se modifica a Orde EHA/3127/2009, do 10 de novembro, pola que se aproba o modelo 190 para a Declaración do resumo anual de retencións e ingresos a conta do Imposto sobre a Renda das Persoas Físicas sobre rendementos do traballo e de actividades económicas, premios e determinadas ganancias patrimoniais e imputacións de renda.

No BOE do 19 de decembro de 2024 publicouse a Orde HAC/1433/2024, do 11 de decembro, que introduce modificacións no modelo 560, «Imposto Especial sobre a Electricidade. Autoliquidación» e modifica o modelo 591 «Imposto sobre o valor da produción de enerxía eléctrica. Declaración anual de operacións con contribuíntes».

A Lei 16/2012, do 27 de decembro, pola que se adoptan diversas medidas tributarias dirixidas á consolidación das finanzas públicas e ao impulso da actividade económica, somete a tributación, a través dun gravame especial, entre outros, os premios pagos correspondentes ás lotarías e apostas organizadas pola Sociedade Estatal Loterías y Apuestas del Estado (SELAE).

Publícase a relación de sociedades españolas con capitalización bolsista superior aos 1.000 millóns de euros a 1 de decembro de 2024.

Información facilitada no calendario do contribuínte sobre liquidacións e autoliquidacións cuxo prazo de presentación finaliza no mes de decembro.

No BOE do 30 de novembro publicouse a Orde HAC/1347/2024, do 28 de novembro, pola que se desenvolven para o ano 2025 o método de estimación obxectiva do Imposto sobre a Renda das Persoas Físicas e o réxime especial simplificado do Imposto sobre o Valor Engadido.

O vindeiro 11 de decembro de 2024, a Axencia Tributaria vai a proceder a axeitar os algoritmos criptográficos da subsede "www1.agenciatributaria.gob.es" segundo os criterios indicados na seguinte ligazón Axencia Tributaria: Validación do certificado de sede. O resto de subsedes xa teñen a configuración axeitada desde o 15 de novembro de 2023. A nova configuración pódese probar na subsede de probas https://preportal.aeat.es.

No BOE do 12 de novembro publicouse o Real Decreto-lei 7/2024, do 11 de novembro, polo que se adoptan medidas urxentes para o impulso do Plan de resposta inmediata, reconstrución e relanzamento fronte aos danos causados pola Depresión Illada en Niveis Altos (DANA) en diferentes municipios entre o 28 de outubro e o 4 de novembro de 2024.

A Axencia Tributaria entregou os premios aos alumnos gañadores e finalistas do concurso nacional 2023-2024 para centros escolares, un certame que a Axencia Tributaria vén convocando anualmente no marco do seu Programa de Educación Cívico-tributaria. Os galardóns concedéronse nas distintas modalidades existentes: ‘Redacción’, 'Debuxo' e ‘Peza Publicitaria’.