Agosto 2020

Actualizouse a calculadora de prazos de modificación de bases impoñibles e outras rectificacións No cálculo realizado tívose en conta a suspensión dos prazos dos procedementos tributarios, dende o 14 de marzo, data da entrada en vigor do Real decreto 463/2020, polo que se declara o estado de alarma para a xestión da situación de crise sanitaria ocasionada pola COVID-19, ata o 30 de maio de 2020 (1 de xuño se o prazo vence o 30 de maio), así como a suspensión dos prazos procesuais dende o 14 de marzo ata o 3 de xuño de 2020 (disposición derrogatoria única.1 do Real decreto 537/2020, do 22 de maio) no caso dos concursos.

Apróbase a Orde HAC/785/2020, do 21 de xullo, que establece os supostos nos que as entidades de crédito que prestan o servizo de colaboración na xestión recadatoria non poderán anular ou rectificar ingresos previamente recadados, e permite o pagamento mediante transferencia bancaria no caso de débedas cuxo pagamento poida realizarse a través da Sede electrónica da Axencia Tributaria.