Imposto sobre a Renda das Persoas Físicas.

Para o período impositivo 2021:

• Redución dos índices de rendemento neto:

  Redúcense os índices de rendemento neto para aquelas actividades agrícolas e gandeiras que se viron afectadas por circunstancias excepcionais no desenvolvemento da súa actividade e, que determinen o rendemento neto de acordo co método de estimación obxectiva.

• Índices correctores:

  Modifícase o índice corrector por pensos adquiridos a terceiro s que pasa do 0,75 ou 0,95 no caso de actividades de explotación intensiva de gañado porcino da carne e avicultura ao 0,5 para todas as actividades.

  O índice corrector por cultivos en terras de regadío que utilicen, para tal fin, enerxía eléctrica será do 0,75 e aplicarase cando os cultivos se realicen, en todo ou en parte, en terras de regadío, sempre que o contribuínte, ou a comunidade de regadores en que participe, estean inscritos no rexistro territorial correspondente á oficina xestora de impostos especiais a que se refire o artigo 102.2 da Lei 38/1992, do 28 de decembro, de Impostos Especiais.

  Cando non sexa posible delimitar o devandito rendemento, este índice aplicarase sobre o resultado de multiplicar o rendemento procedente de todos os cultivos pola porcentaxe que supoña a superficie dos cultivos en terras de regadío que utilicen, para tal fin, enerxía eléctrica sobre a superficie total da explotación agrícola.