Nota informativa tipos de IVA e recarga de equivalencia RD-Lei 20/2022, do 27 de decembro
O Real Decreto-lei 20/2022, do 27 de decembro, de medidas de resposta ás consecuencias económicas e sociais da Guerra de Ucraína e de apoio á reconstrución da illa de La Palma e a outras situacións de vulnerabilidade, previu nos seus artigos 1 e 72 modificacións nos tipos de IVA e recarga de equivalencia.
Para estes efectos INFÓRMASE:
Estase a traballar en cambios normativos e técnicos co obxectivo facilitar a facturación, subministración e declaración destas operacións, establecendo no 0,62 o tipo correspondente á recarga de equivalencia das operacións suxeitas ao tipo de IVA do 5%.
Modelos 303 e 322.
Co obxecto de habilitar a declaración das operacións afectadas polos novos tipos de recarga de equivalencia, para as autoliquidacións correspondentes a períodos impositivos que se inicien a partir de 1 de xaneiro de 2023 modificaranse as especificacións técnicas dos modelos 303 e 322 de maneira que as operacións afectadas polos novos tipos se inclúan nas casas 156 e 158 xunto coas operacións actualmente suxeitas ao tipo da recarga de equivalencia do 0,5 por cento.
Subministración Inmediata de Información (SII):
Tipo impositivo do 0 por cento do IVA para as entregas, importacións e adquisicións intracomunitarias establecidas no artigo 72.2 do RD-lei 20/2022, do 27 de decembro:
Modificáronse as validacións dos libros rexistro levados a través da Sede electrónica (SII), coa finalidade de admitir para calquera operación suxeita e non exenta, con independencia do NIF que a realiza, operacións ao tipo de 0 por cento con data de operación ≥ 1 de xaneiro de 2023 coas limitacións temporais establecidas no citado artigo 72.
Novos tipos de recarga de equivalencia previstas no artigo 1 e 72 do RD-lei 20/2022, do 27 de decembro:
As validacións dos libros rexistro levados a través da Sede electrónica (SII) estarán dispoñibles a partir da semana do 9 de xaneiro.
As incidencias técnicas que teñan a súa orixe na actualización destas validacións teranse en conta para os efectos do cómputo do prazo de subministración dos rexistros de facturación.