A Axencia Tributaria comeza a prestar desde o 7 de maio ata o 1 de xullo de 2024, o servizo de confección e presentación de declaracións de Renda por teléfono e o plan especial de asistencia para maiores de 65 en pequenos municipios, ambos os dous con solicitude de cita desde o 29 de abril ata o 28 de xuño de 2024, que permite atender os contribuíntes ata o final da campaña de maneira personalizada.

A principal novidade desta campaña é a posta en marcha dun plan especial para a confección e presentación de Renda de persoas maiores de 65 anos que teñan o seu domicilio fiscal nestes pequenos municipios e a residentes de vilas próximas: Listaxe municipios maiores 65. Grazas á colaboración e medios técnicos dispostos por estes concellos, os maiores de 65 anos que reserven cita serán atendidos por persoal da Axencia Tributaria mediante videoasistencia, de maneira que recibirán a mesma atención personalizada que calquera outro contribuínte, pero nas instalacións postas á súa disposición polos concellos destes pequenos municipios.

Con este plan especial, de que se dará difusión mediante carteis e folletos nos municipios incluídos no plan, a Axencia Tributaria pretende avanzar nun modelo de asistencia ao cidadán que combine todas as modalidades de atención ao público en función de cada servizo e da dispoñibilidade de cada momento, mantendo cara ao colectivo de maiores unha especial sensibilidade en liña co protocolo asinado coa Plataforma de Maiores e Pensionistas.

Ligazón de acceso ao servizo de reserva de cita para os servizos de asistencia personalizada da Campaña de Renda 2023: Axencia Tributaria: Asistencia e Cita para Campaña de Renda 2023. Do mesmo xeito que nos anos anteriores, se nun momento dado o contribuínte non encontra citas dispoñibles, iso non significará que non queden citas, senón que se volverán a abrir máis citas nos días seguintes.

Ao obxecto de mitigar unha eventual perda de citas en prexuízo do conxunto dos contribuíntes, a Axencia Tributaria lembra os cidadáns que poden anular a súa cita por calquera das vías habilitadas para a súa obtención, se decidiron non facer uso dela . As vías habilitadas son: Internet  (con NIF/NIE ou DNI electrónico, certificado electrónico, Cl@ve PIN ou referencia), App "Axencia Tributaria ", teléfono automático  (91 535 73 26 ou 901 12 12 24) ou teléfono de cita previa para Renda  con atención persoal (91 553 00 71 ou 901 22 33 44. De luns a venres, de 9 a 19 horas).