Conflito nº 14. Imposto sobre o valor engadido. Actividades exentas. Interposición artificiosa de sociedade para a dedución de cotas de IVE soportado. Desenvolvemento e implantación dunha plataforma necesaria para prestar un servizo financeiro exento
Para os efectos do que se dispón no artigo 206.bis da Lei 58/2003, do 17 de decembro, Xeral Tributaria e de acordo co que se establece no artigo 194.6 do Regulamento Xeral das actuacións e os procedementos de xestión e inspección tributaria e de desenvolvemento das normas comúns dos procedementos de aplicación dos tributos, aprobado polo Real decreto 1065/2007, do 27 de xullo, procédese a publicar copia do informe da Comisión consultiva sobre conflito na aplicación da norma relativa ao contribuínte "SOCIEDADE A".
No Informe declárase que existe conflito na aplicación da norma tributaria nun suposto de interposición artificiosa dunha entidade "SOCIEDADE A", para deducir as cotas de IVE soportadas na adquisición de bens e servizos para o desenvolvemento da plataforma tecnolóxica “MARCA A” necesaria para prestar o servizo financeiro exento, conforme ao art. 20 Un 18º da LIVE, realizado pola entidade "SOCIEDADE B".