Para os efectos do que se dispón no artigo 206.bis da Lei 58/2003, do 17 de decembro, Xeral Tributaria e de acordo co que se establece no artigo 194.6 do Regulamento Xeral das actuacións e os procedementos de xestión e inspección tributaria e de desenvolvemento das normas comúns dos procedementos de aplicación dos tributos, aprobado polo Real decreto 1065/2007, do 27 de xullo, procédese a publicar copia do informe da Comisión consultiva sobre conflito na aplicación da norma tributaria relativa ao contribuínte "SOC 1".

O contribuínte leva a cabo unha redución de capital con devolución de achegas en especie ao seu socio único, que lle permite materializar perdas latentes que compensan plusvalías obtidas no mesmo exercicio pola transmisión a terceiros doutros elementos patrimoniais.