Ante as incidencias técnicas xurdidas a raíz da crise de electricidade que desencadeou a interrupción xeneralizada da subministración en toda a Península Ibérica e algunhas zonas do sur de Francia, acontecida o pasado 28 de abril, para reverter as dificultades para o cumprimento das súas obrigas tributarias e aduaneiras polos cidadáns e garantir o normal desenvolvemento dos procedementos no ámbito da Axencia Estatal de Administración Tributaria, en aplicación do artigo 32.4 da Lei 39/2015, do 1 de outubro, Lei 39/2015, do 1 de outubro, do Procedemento Administrativo Común das Administracións Públicas, decláranse ampliados ata o mércores 30 de abril de 2025 os prazos con vencemento os días 28 ou 29 de abril para a:

1. Presentación de declaracións-liquidacións, así como de comunicacións ou outras obrigas de carácter formal.

2. Presentación de alegacións e presentación de probas en procedementos de aplicación dos tributos e aduaneiros, así como para atender requirimentos.

3. Realización de pagamentos.

4. Interposición de recursos de reposición.