O Real Decreto-lei 2/2026, do 3 de febreiro, (BOE 4 de febreiro), polo que se adoptan medidas urxentes para facer fronte a situacións de vulnerabilidade social, en materia tributaria e relativa aos recursos dos sistemas de financiamento territorial e o Real Decreto-lei 3/2026, do 3 de febreiro (BOE do 4 de febreiro) para a revalorización das pensións públicas e outras medidas urxentes en materia de Seguridade Social, aproban unha serie de medidas de carácter tributario, entre as que cabe citar as seguintes, que afectan a IVE, IRPF e Imposto sobre Sociedades:

IVE

• Prorróganse para 2026 os límites para a aplicación do réxime simplificado e do réxime especial da agricultura, gandaría e pesca do IVE.

• O prazo para as renuncias e revogacións para 2026 aos réximes simplificados e especial da agricultura, gandaría e pesca do IVE, amplíase ata o 16 de febreiro de 2026.

• O prazo extraordinario para renunciar á opción pola leva electrónica dos libros rexistro a través da Sede electrónica da AEAT (SII) e para baíxaa voluntaria no rexistro de devolución mensual (REDEME) amplíase ata o 16 de febreiro de 2026.

IRPF

• O prazo para as renuncias e revogacións para 2026 ao método de estimación obxectiva do IRPF amplíase ata o 16 de febreiro de 2026.

• Prorróganse para 2026 os límites cuantitativos que delimitan no IRPF o ámbito de aplicación do método de estimación obxectiva, con excepción das actividades agrícolas, gandeiras e forestais, que teñen o seu propio límite cuantitativo por volume de ingresos.

• Con efectos desde o 1 de xaneiro de 2025, establécese que a porcentaxe de imputación do 1,1 %previsto no artigo 85 da LIRPF resultará de aplicación no caso de inmobles localizados en municipios en que os valores catastrais fosen revisados, modificados ou determinados mediante un procedemento de valoración colectiva xeral, sempre que entrasen en vigor a partir do 1 de xaneiro de 2012.

• Desde o 26 de agosto de 2025 estarán exentas no IRPF as axudas por danos persoais concedidas aos afectados polos incendios forestais e outros emerxencias de protección civil acontecidos entre o 23 de xuño e o 25 de agosto de 2025.

• Prorrógase ata o 31 de decembro de 2026 a dedución por obras de mellora da eficiencia enerxética de vivendas.

• Prorrógase ata o 31 de decembro de 2026 a dedución pola adquisición de vehículos eléctricos enchufables e de pila de combustible e instalación de puntos de recarga.

• Modifícase o texto refundido da Lei Xeral da Seguridade Social, eliminando a obriga universal de presentar a declaración de IRPF para todos os beneficiarios de prestacións e subsidios por desemprego; polo tanto, para a declaración de IRPF 2025 e exercicios sucesivos, o devandito beneficiario solo terán que presentar declaración se procede de acordo co artigo 96 da Lei 35/2006 do IRPF.

IMPOSTO SOBRE SOCIEDADES

• Con efectos para os períodos impositivos que, iniciados a partir do  1 de xaneiro de  2025 non concluísen a data 5 de febreiro de 2026, os investimentos en vehículos novos FCV, FCHV, BEV, REEV ou PHEV, segundo definición do anexo II do Regulamento Xeral de Vehículos, aprobado polo Real decreto  2822/1998, do  23 de decembro, afectos a actividades económicas e que entren en funcionamento nos períodos impositivos que se inicien nos anos  2024, 2025 e  2026 poderán ser amortizadas libremente, así como os investimentos en novas infraestruturas de recarga de vehículos eléctricos que entren en funcionamento nos períodos impositivos que se inicien nos anos  2024, 2025 e  2026.

• Con efectos para os períodos impositivos que se inicien a partir do 1 de xaneiro de 2025, prorrógase ao exercicio 2026 a liberdade de amortización para aqueles investimentos que utilicen enerxía procedente de fontes renovables.

AXUDAS DANA

• Extensión das axudas directas previstas no artigo  11 do Real Decreto-lei  6/2024, do  5 de novembro, ás comunidades de bens e demais entidades sen personalidade xurídica que realizan actividades económicas.

  O formulario de solicitude poderá presentarse na Sede electrónica da Axencia Tributaria ata o 11 de marzo de 2026.

• Doutra banda, establécese a exención en IRPF e no Imposto sobre Sociedades de determinadas axudas urxentes concedidas pola Comunitat Valenciana para facilitar o mantemento do emprego e a reactivación económica, destinadas a autónomos e empresas das zonas afectadas pola DANA na Comunitat Valenciana.