Mercadorías afectadas por controis doutros Ministerios
Se vas realizar operacións de comercio exterior, consulta se as túas mercadorías poden necesitar algunha certificación ou autorización especial doutros organismos públicos...
Metais e Pedras Preciosas
Para os efectos da Lei 17/1985, considéranse metais preciosos exclusivamente o platino, o ouro e a prata. Son obxectos fabricados con metais preciosos os que conteñan, total ou parcialmente, platino, ouro ou prata na proporción legal establecida. Así mesmo para a fabricación, o tráfico e a comercialización destes obxectos deberán cumprirse os preceptos da Lei.
Non se esixe ningún requisito especial para a exportación de metais preciosos, efectuarase de conformidade co que estableza a normativa aduaneira sen que sexa esixible o cumprimento de ningunha outra formalidade.
Aos efectos do Regulamento (CE) nº 2368/2002 do Consello, establécese na Unión Europea un sistema de certificación e de controis de importación e exportación de diamantes en bruto para os efectos da aplicación do sistema de certificación do Proceso de Kimberley.