APP Cl@ve en Android

Descarga e instalación da APP

A Axencia Tributaria pon á túa disposición a descarga gratuíta da aplicación Cl@ve para dispositivos móbiles con sistema Android; trátase dunha actualización da APP Cl@ve PIN que ten como obxectivo converterse nun punto único onde ofrecer ao cidadán todos os servizos relacionados cos medios de identificación, autenticación e sinatura para o cidadán da plataforma Cl@ve. A APP Cl@ve integra todas as funcionalidades de Cl@ve PIN, ademais de novidades como a autenticación con Cl@ve Móbil e a activación e sinatura con Cl@ve Sinatura.

Para a instalación da APP é necesaria a versión Android 8 ou superior.

Podes pasar automaticamente de Cl@ve PIN a Cl@ve actualizando a aplicación ou acceder ao "google Play" e buscar "Cl@ve" da Axencia Tributaria. Para instalar a aplicación pulsa o botón "Instalar", acepta a información sobre os requisitos para o funcionamento da aplicación que se puidesen mostrar e, finalmente, "Abrir".

A primeira pantalla  mostrará dúas opcións para consultar a "Política de privacidade" e os "Termos do servizo "que aceptas ao continuar ao seguinte paso.

Nas  seguintes pantallas infórmase das novidades da  APP e dalgunha das utilidades como a consulta do PIN ou a confirmación das peticións de autenticación. Pulsa "Seguinte" en todas elas.

No caso de que xa tiveses instalada a Cl@ve PIN, a continuación solicitarase o factor de autenticación que teña configurado o usuario no dispositivo (PIN, patrón, pegada, etc.) para quedar activo na APP Cl@ve.

No caso de que se instale de cero a APP Cl@ve e non se estea rexistrado en Cl@ve ofreceranse as distintas alternativas para o rexistro: con certificado electrónico, mediante carta de invitación, presencial ou por videochamada (Temporalmente non se encontra dispoñible ).

Se se instala de cero a APP Cl@ve pero xa se está rexistrado, o seguinte paso será activar a APP.