Como acreditarse para obter un certificado electrónico

Acreditación de persoa física

A autoridade certificadora establece a documentación que o solicitante debe presentar para a acreditación da súa identidade.Habitualmente, esta información está publicada na páxina web da entidade emisora do certificado, polo que deberás contactar co organismo que elixises para a obtención do teu certificado electrónico se necesitas aclarar algunha dúbida sobre esta cuestión.

A documentación que deba achegarse dependerá de se o solicitante é persoa física, persoa xurídica ou se se trata dunha entidade sen personalidade xurídica.

En xeral, cando o solicitante é unha persoa física, para a acreditación simplemente debe achegar orixinal e fotocopia do DNI, NIE ou pasaporte español en vigor.

Para certificados de persoa física podes dirixirte a calquera das Oficinas de rexistro.Se optas por unha oficina da Axencia Tributaria, é necesario acudir con cita previa.

O rexistro de usuario é presencial, pero algunhas entidades empezaron a permitir a solicitude de certificados con DNI electrónico (DNIe) de modo que a acreditación se realiza en liña e non é necesario acudir a unha Oficina de rexistro para acreditarse persoalmente.Consulta na entidade emisora se existe esta posibilidade.

Para calquera dúbida sobre esta cuestión é necesario contactar coa entidade emisora a través da cal solicitase o seu certificado.