Como acreditarse para obter un certificado electrónico

Acreditación de entidades sen personalidade xurídica

A autoridade certificadora establece a documentación que o solicitante debe presentar para a acreditación da súa identidade. Habitualmente, esta información está publicada na páxina web da entidade emisora do certificado, polo que deberá contactar co organismo que elixise para a obtención do seu certificado electrónico se necesita aclarar algunha dúbida sobre esta cuestión.

A documentación que se deba achegar dependerá de se o solicitante é persoa xurídica ou se se trata dunha entidade sen personalidade xurídica. Para este tipo de certificados o rexistro é exclusivamente presencial.

En xeral, o procedemento para a obtención dun certificado electrónico require a acreditación da identidade do solicitante nunha oficina de rexistro autorizada pola entidade emisora do certificado. Contacte coa entidade emisora que elixise se desexa coñecer que oficinas de rexistro ten habilitadas ou consulte a súa páxina web, onde encontrará tamén información sobre a documentación que unha persoa xurídica debe achegar e como presentara.

No caso dos certificados electrónicos emitidos pola Fábrica Nacional de Moeda e Timbre, actualmente expídense certificados de Representante de Entidade sen Personalidade Xurídica e a AEAT actúa como Oficina de rexistro para a acreditación da identidade (aínda que en ningún caso a AEAT é entidade emisora de certificados electrónicos), canda oficinas de rexistro da Comunidade Foral de Navarra, da Comisión Nacional do Mercado de Valores e a través das oficinas de Correos.

Polo tanto, o solicitante destes certificados poderá acreditar a súa identidade nas oficinas de rexistro da AEAT (previa cita) como ata hora, ou ben nas oficinas de Correos.

Para acreditar a identidade nas oficinas de Correos, o proceso para obter o código de solicitude é o mesmo. Ademais, deberase encher electronicamente un formulario de solicitude en liña cos datos de contacto, dispoñible na páxina web da FNMT Unha vez recheo, canda a documentación necesaria para a acreditación da identidade do representante, das súas facultades de representación e entidade representada, deberá acudir a unha oficina de Correos coa documentación que se detalla na páxina web da FNMT

Calquera erro ao completar o formulario ou a falta de documentación supoñerá a non-emisión do certificado; a FNMT informará o usuario a través do seu servizo de Atención a Usuarios, debendose repetir o proceso de acreditación completo, achegando a documentación de novo.

Consulte toda a información sobre as condicións do servizo na páxina da FNMT

Consulte a listaxe de Oficinas de rexistro onde pode acudir para a acreditación. Non é posible realizar este trámite nos rexistros aduaneiros.