Como realizar unha copia de seguridade do seu certificado electrónico

Windows - Copia do certificado no Internet Explorer

Accede ao almacén de certificados desde a opción "Ferramentas" do menú do navegador Internet Explorer ou desde a icona situado na esquina superior dereita da xanela do navegador e entra en "Opcións de Internet".

Selecciona a pestana "Contido" e fai clic no botón "Certificados". O certificado debe aparecer na pestana "Persoal".

Para realizar unha copia de seguridade (exportación), selecciona o certificado e pulsa "Exportar...".

A continuación ábrese o "Asistente de exportación". Pulsa "Seguinte" e despois marca o recadro "Exportar a clave privada" (se acabas de obter o certificado e non se pode marcar é posible que houbese algún problema na descarga ou instalación; nese caso contacta coa entidade emisora do certificado).

Na seguinte pantalla deixa as opcións marcadas que aparecen por defecto, pulsa "Seguinte" e selecciona unha entidade de seguridade ou establece un contrasinal para protexer a clave privada. Se esqueces o contrasinal non haberá xeito de recuperara. Pulsa "Seguinte".

Fai click en "Examinar" para escoller a ruta onde se vai a gardar a copia do certificado, establece un nome para o arquivo e pulsa "Gardar", "Seguinte" e, despois, "Finalizar".

Se todo foi ben aparecerá a mensaxe "A exportación realizouse correctamente".

A icona da copia válida realizada será un sobre aberto cun certificado asomando e unha chave e a extensión.pfx. Se non se visualiza a extensión, fai clic co botón dereito do rato sobre a icona do certificado e accede a "Propiedades".

Se non se pode marcar o recadro "Exportar a clave privada" o resultado sería unha copia non válida (o arquivo tería a extensión.cer e a icona sería un certificado sen ningunha chave). A clave privada é a información persoal que o certificado contén e sen a cal non é posible asinar.

Se a copia non fóra válida instalaríase na pestana "Outra persoas" en lugar de facero na pestana "Persoal" e o certificado non sería válido para traballar na páxina da AEAT.

Se nalgún momento necesitas reinstalar (importar) o certificado e non dispós dunha copia válida deberás solicitar un novo certificado.